ناروې د افغانستان د بشري مرستو صندوق سره نږدې یو مېلیون ډالر مرسته کړې

۷ سلواغه ۱۴۰۴ - ۲۷ جنوري ۲۰۲۶، ۰۷:۴۷ GMT

په افغانستان کې د ملګرو ملتونو د بشري مرستو همغږۍ اداره (اوچا) وایي، له ناروې څخه یې شاوخوا ۹۹۰زره امریکایي ډالره نوې مرسته ترلاسه کړې چې د افغانستان د بشري مرستو صندوق له لارې به د بېړنیو حالاتو پر مهال د مرستندویه ادارو فعالیتونه چټک او اغېزمن کړي.

اوچا پر اېکس پاڼه لیکلي، د ناروې دوامداره ملاتړ له مرستندویه ادارو سره مرسته کوي چې بېړنیو پېښو ته ژر رسېدنه وکړي. یاده دې وي، چې د افغانستان بشري وضعیت لا هم د جګړو، ناورینونو او اقتصادي فشارونو له امله کړکېچن دی.

د افغانستان د بشري مرستو صندوق د نړۍوالو او سیمه‌ییزو مرستندویه ادارو لپاره یوه مهمه وسیله ده، چې له لارې یې بېړنۍ مرستې پر اړمنو خلکو وېشي.

•

یونېسف: په افغانستان کې ۹۰ سلنه ۱۰ کلن ماشومان ساده متن نه‌شي لوستلی

۷ سلواغه ۱۴۰۴ - ۲۷ جنوري ۲۰۲۶، ۰۶:۲۷ GMT

د ملګرو ملتونو د ماشومانو ملاتړ صندوق (یونېسف) وایي، په افغانستان کې ۹۰ سلنه لس کلن ماشومان ساده متن نه‌شي لوستلی. یادې ادارې دغه وضعیت د زده‌کړو په برخه کې یو «جدي ناورین» یاد کړی.

یونېسف د سې‌شنبې په ورځ (د سلواغې ۷مه) پر اېکس پاڼه کاږلي، چې «په افغانستان کې زده‌کړې په ډېر سخت حالت کې دي». د یادې ادارې په خبره، په دغه هېواد کې ښوونځي شته؛ خو ماشومان په‌کې زده‌کړې نه ترلاسه کوي.

یونېسف ټینګار کړی، د هر ماشوم څخه د ښو پایلو ترلاسه کولو لپاره مهمه ده چې د لومړنیو زده‌کړو، سواد او شمېر پوهنې په برخه کې دوامداره پانګونه وشي. د راپورونو له مخې؛ د طالبانو له‌خوا د نجونو پر منځنیو زده‌کړو د بندیز له امله شاوخوا ۲.۲ مېلیونه نجونې له ښوونځي بې‌برخې دي.

افغانستان په نړۍ کې یوازینی هېواد دی، چې د نجونو پرمخ یې د ښوونځیو او پوهنځیو دروازې تړلې دي. په افغانستان کې په منځینو زده‌کړو کې د هلکانو لېوالتیا هم کمه شوې. نړۍوالو بنسټونو پر طالبانو په وار - وار غږ کړی، چې ژر تر ژره دې دغه بندیزونه لرې کړي؛ خو طالبانو د نجونو پر مخ د زده‌کړو بندیز تر «امرثاني» پورې ځنډولی.

په کونړ کې یخنۍ څپې د زلزله ځپلو کورنیو او ماشومانو ژوند له کړاو سره مخ کړی

۷ سلواغه ۱۴۰۴ - ۲۷ جنوري ۲۰۲۶، ۰۵:۳۲ GMT

په کونړ کې زلزله ځپلې کورنۍ د درنې واورې او یخنۍ په دې څپه کې د سرپناه د نشتوالي له امله په خېمو کې ژوند کوي او وایي، چې ژوند یې له کړاو سره مخ دی. ځایي طالب چارواکي زیاتوي، چې په همدې سیمه کې د یخنۍ په دې څپه کې یو ماشوم مړ شوی او لسګونه خېمې ویجاړې شوې دي.

په کونړ کې د طالبانو تر واک لاندې له پېښو سره د مبارزې ادارې مشر محمد مبین مفتون عمر ویلي، چې د څوکۍ ولسوالۍ د دیوه ګل درې د اندرلچک کلي زلزله ځپلې کورنۍ له ستونزو سره مخ دي او د دوی ډلې د امکاناتو په برابرولو بوختې دي.

اوس‌مهال یخنۍ او واورینې څپې د کونړ زلزله ځپلو سیمو اوسېدونکو ژوند ناارامه کړی او له کړاو سره یې مخ کړی دی. دغه کورنۍ وايي، چې د سړې هوا په دې څپه کې د سرپناه د نشتوالي له امله یې ماشومان د ژوند سخت حالت تجربه کوي.

د کونړ د یادې سیمې اوسېدونکی وحید وايي، چې خېمې یې نړېدلې، ماشومان یې په اوبو کې پراته او له سختو ناروغیو سره مخ دي. هغه زیاته کړې:« د باران اوبه مو له خېمو څڅېږي، په خېمو کې ژوند سخت دی، واورې شوې، خېمې نړېدلې، زموږ د سرپناه غم باید وخوړل شي».

دغه اوسېدونکي پر طالبانو او مرستندویه ادارو د مرستې غږ کوي. ځايي طالب چارواکو بیا ډاډ ورکړی، چې د ځانګړو کمېټو له لارې زلزله ځپلو کورنیو ته د سرپناه په برابرولو بوخت دي.

د ماشومانو د خوندیتوب ادارې ویلي، په افغانستان کې درنو واورو او سړې هوا د هغو زرګونه ماشومانو روغتیايي ګواښونه زیاته کړي چې په خېمو کې اوسېږي. په افغانستان کې د وروستیو زلزلو او د سرپناه د نشتوالي له امله یوشمېر کورنۍ لا هم په خېمو کې شپې او ورځې تېروي.

بل خوا په افغانستان کې د ملګرو ملتونو د کډوالو چارو ادارې (IOM) ویلي، چې د زلزلې له امله بې‌ځایه شوې کورنۍ د ژمي په سړې هوا کې د سرپناه او د نورو اړینو ژمنیو توکو مرستو ته اړتیا لري. دغه ادارې ویلي، چې کارکوونکي یې په سیمه کې ارزونه کوي او د بېړنیو مرستو رسولو چارې پر مخ وړي.

دا په داسې حال کې ده، چې په روانه اوونۍ کې د افغانستان په ګڼو ولایتونو کې د درنو واورو له امله څه باندې ۷۰ کسان مړه او له ۱۰۰ ډېر ټپیان شوي دي.

نړۍوال بانک: طالبانو په ۹ میاشتو کې شاوخوا ۹۷ مېلیارده افغانۍ په امنیتي لګښتونو مصرف کړي

۷ سلواغه ۱۴۰۴ - ۲۷ جنوري ۲۰۲۶، ۰۵:۱۸ GMT

د نړۍوال بانک په تازه راپور کې ویل شوي، چې د طالبانو ادارې د ۲۰۲۵کال په لومړیو ۹ میاشتو کې شاوخوا ۹۶.۹ مېلیارده افغانۍ په امنیتي چارو لګولې دي. د راپور له مخې؛ په ورته موده کې پراختیایي لګښتونه ۱۵.۷ مېلیارده افغانیو ته رسېدلي دي.

دغه راپور څرګندوي، چې ملکي او عامه خدماتو برخو ته هم ۱۰۶ مېلیارده افغانۍ ځانګړې شوې دي. نړۍوال بانک وايي، افغانستان په دغه موده کې دوه مېلیارده افغانۍ بودجوي کسر تجربه کړی؛ دا ځکه چې د ۲۰۰.۹ مېلیارده افغانیو ټول عاید د ۲۰۲.۹ مېلیارده افغانیو د ټولو لګښتونو پرتله یو څه کم وو.

په راپور کې راغلي، چې افغانستان د کډوالو د لویې کچې راستنېدو او له پاکستان سره د لارو تړل پاتې کېدو له امله تر فشار لاندې دی. سره له دې چې د ټیټ انفلاسیون او د حکومت په عوایدو کې نسبي زیاتوالی راغلی، کمزورې پانګونې د دوامداره ودې او د تولید زیاتوالي مخه نیولې ده.

نړۍوال بانک وړاندې وايي، اټکل کېږي چې د ۲۰۲۵کال پرمهال به د هر کس عاید شاوخوا څلور سلنه کم شوی وي او فقر به په پراخه کچه دوام ومومي. ورته مهال د افغاني اسعارو ارزښت په دسمبر میاشت کې وده کړې؛ خو د وارداتو او ترانسپورت لګښتونو د زیاتوالي له امله سوداګریز کسر ۱۹ سلنه زیات شوی.

د راپور له مخې؛ د سوداګرۍ له پلوه پاکستان ته د افغانستان صادرات کم شوي، چې د ډسمبر میاشتې لپاره یې برخه ۲.۹ سلنه وه؛ برعکس هند بیا د افغانستان ستر صادراتي بازار ګرځېدلی او د افغانستان د ټولو صادراتو ۶۱ سلنه برخه جوړوي. د ازبکستان ونډه هم د روان مالي کال په لړ کې ۷.۷سلنې ته لوړه شوې ده.

د اقتصادي فشارونو او سوداګریزو محدودیتونو سره، سره د نړۍوال بانک راپور څرګندوي، چې د حکومت مالي وضعیت او د اسعارو بازار نسبي ثبات لا هم ساتل شوی دی.

اېلان ماسک د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې

۷ سلواغه ۱۴۰۴ - ۲۷ جنوري ۲۰۲۶، ۰۳:۳۹ GMT

امریکایي میلیاردر اېلان ماسک پر اېکس پاڼه د یوه کاروونکي د یادښت په بیا خپرولو سره د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې ده. هغه د دغه پوسټ د بیا شریکولو سره لیکلي: «ښه پوښتنه ده».

د اېکس یوه کاروونکي په یوه یادښت کې لیکلي، «د غلامۍ» زوړ سیسټم چې ماشومان په‌کې د جنسي غلامانو او نوکرانو په توګه نیول کېدل اوس په رسمي‌ ډول افغانستان ته راغلی دی. هغه زیاته کړې: «کېڼ اړخي چېرته دي، چې د دغه کار پر وړاندې اعتراض وکړي؟ لاریونونه چېرته دي؟ ویناوې چېرته دي؟…چوپتیا».

اېلان ماسک د دغه پوسټ په بیا شریکولو سره لیکلي: «ښه پوښتنه ده».

طالبانو په خپلو جزايي محاکمو کې د اصولنامې په هغه نوې نسخه کې چې تازه خپره شوې، د «غلام» کلمه په څو ځایونو کې یاده کړې او په دې توګه یې په خپلې واکمنۍ کې د غلامۍ نظام رسمي کړی دی. طالبانو د یادې اصولنامې په څلورمه او ۱۵مه ماده کې د غلامۍ موضوع او اړوند حقونو ته اشاره کړې. غلامي په نړۍوالو قوانینو کې په ټولو بڼو کې په بشپړ ډول منعه ده.

نصیراحمد اندېشه: طالبانو د نجونو پر زده‌کړو بندیز د واک د ساتلو لپاره سیاسي وسیله ګرځولې

۷ سلواغه ۱۴۰۴ - ۲۷ جنوري ۲۰۲۶، ۰۳:۳۱ GMT

په جنیوا کې د افغانستان استازی نصیر احمد اندېشه وایي، طالبانو نه یوازې په افغانستان کې د ښځو او نجونو زده‌کړې په بشپړه توګه منعه کړې؛ بلکې ان په دې اړه یې په هر ډول پوښتنې هم بندیز لګولی، چې «ولې تعلیم بند دی».

اندېشه پر اېکس پاڼه لیکلي، په داسې حال کې چې نړۍ د زده‌کړو نړۍواله ورځ نمانځي؛ طالبانو په افغانستان کې د ښځو او نجونو پر زده‌کړو بندیز لګولی او د دغه بندیز په اړه هر ډول پوښتنې ته هم اجازه نه‌ورکوي.

هغه دغه چلند «اداره کول نه؛ بلکې د ناپوهۍ بنسټیزول» بللي او ویلي یې دي، چې دا د افغان ولس، اسلامي ارزښتونو او ملګرو ملتونو پر وړاندې مستقیم سپکاوی دی.

هغه زیاته کړې، طالبانو په ډاګه کړې چې دغه بندیز نه لنډمهالی دی، نه دیني توجیه لري او نه هم د بحث وړ دی؛ بلکې د واک د کنټرول لپاره یوه سیاسي وسیله ګرځېدلې ده. اندېشه ټینګار کړی، چې د ازادۍ او انساني کرامت لپاره مبارزه دوام لري او بالاخره به بریالۍ شي.

•

ناروې د افغانستان د بشري مرستو صندوق سره نږدې یو مېلیون ډالر مرسته کړې

اېلان ماسک د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې

د پاکستان د علماوو شورا: طالبان د اسلام په نامه پر افغانانو د جهالت د پېر قوانین پلي کوي

طالبان د دوو امریکایانو د خلاصون په بدل کې له ګوانتانامو نه د خپل یوه بندي خوشې کېدل غواړي

نصیراحمد اندېشه: طالبانو د نجونو پر زده‌کړو بندیز د واک د ساتلو لپاره سیاسي وسیله ګرځولې

ملا تاجمیر وايي د طالبانو فرهنګیانو «د خلکو د ارادې په مدیریت» کې مهم رول لوبولی

یونېسف: په افغانستان کې ۹۰ سلنه ۱۰ کلن ماشومان ساده متن نه‌شي لوستلی

په کونړ کې یخنۍ څپې د زلزله ځپلو کورنیو او ماشومانو ژوند له کړاو سره مخ کړی

نړۍوال بانک: طالبانو په ۹ میاشتو کې شاوخوا ۹۷ مېلیارده افغانۍ په امنیتي لګښتونو مصرف کړي

اېلان ماسک د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې

نصیراحمد اندېشه: طالبانو د نجونو پر زده‌کړو بندیز د واک د ساتلو لپاره سیاسي وسیله ګرځولې

یونېسف: په افغانستان کې ۹۰ سلنه ۱۰ کلن ماشومان ساده متن نه‌شي لوستلی

په کونړ کې یخنۍ څپې د زلزله ځپلو کورنیو او ماشومانو ژوند له کړاو سره مخ کړی

نړۍوال بانک: طالبانو په ۹ میاشتو کې شاوخوا ۹۷ مېلیارده افغانۍ په امنیتي لګښتونو مصرف کړي

اېلان ماسک د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې

نصیراحمد اندېشه: طالبانو د نجونو پر زده‌کړو بندیز د واک د ساتلو لپاره سیاسي وسیله ګرځولې

ډېر لیدل شوي

اېلان ماسک د طالبانو له‌خوا د «غلامۍ» په رسمیت پېژندلو په اړه د نړۍ پر چوپتیا نیوکه کړې

د پاکستان د علماوو شورا: طالبان د اسلام په نامه پر افغانانو د جهالت د پېر قوانین پلي کوي

طالبان د دوو امریکایانو د خلاصون په بدل کې له ګوانتانامو نه د خپل یوه بندي خوشې کېدل غواړي

نصیراحمد اندېشه: طالبانو د نجونو پر زده‌کړو بندیز د واک د ساتلو لپاره سیاسي وسیله ګرځولې

ملا تاجمیر وايي د طالبانو فرهنګیانو «د خلکو د ارادې په مدیریت» کې مهم رول لوبولی