د حج ادا کولو لپاره څه باندې ۹۸ زره افغانانو نوم لیکنه کړې

د طالبانو د سوالګرو د راټولونې او سوالګرۍ مخنیوي کمیسیون د چارشنبې په ورځ په یوه غونډه کې ویلي، چې په کابل ښار کې تر دې دمه ۷۴٬۹۶۸ سوالګر راټول شوي، چې له دې ډلې ۳۷٬۹۴۷ تنه مستحق سوالګر پېژندل شوي او ۳۷٬۰۲۱تنه مسلکي سوالګر بلل شوي دي.

راپور زیاتوي چې مستحق سوالګر د افغاني سرې میاشتې ټولنې ته ورپېژندل شوي او هره میاشت به د بانکي حسابونو له لارې ورسره نغدي مرستې کېږي.

د طالبانو د ریاست الوزرا اقتصادي مرستیال ملا عبدالغني برادر د طالبانو اړوندو ادارو ته سپارښتنه کړې چې د سوالګرو د راټولولو بهیر چټک کړي او له مستحقو کسانو سره لازمې مرستې وکړي.

یاد کمیسیون په خپل رپوټ کې ویلي، چې یو شمېر نور کسان د درملنې او یا د کارموندنې لپاره اړوندو ادارو ته معرفي شوي دي.

د طالبانو د ریاست الوزرا د اقتصادي معاونیت د دفتر د معلوماتو له مخې، ملا برادر د کمېسیون غړو ته سپارښتنه کړې چې د طالبانو د مشر د منظورې شوې کړنلارې پر بنسټ د سوالګرو د راټولولو او مخنیوي چارې په اغیزناکه توګه عملي کړي.

د طالبانو له بیا ځلي واک ته رسېدو وروسته په افغانستان کې کاري فرصتونه محدود شوي، اقتصادي سرچینې کمې شوې او د کاري فرصتونو د نشتوالي له امله ډېر کسان سوالګرۍ ته اړ شوي، په ځانګړې توګه هغه ښځې، چې د کورونو سرپرستان نه لري او پر ښځو د طالبانو د محدودیتونو له امله، پخپله د کار او کاروبار اجازه نه لري.

د هنګاو د ترلاسه کړو معلوماتو له مخې، دغه کسان د جنورۍ پر۸مه نېټه د ماښام پر وخت د مشهد په بېلابېلو سیمو کې د ایران دولتي ځواکونو وژلي دي.

وژل شوي کسان ۱۶ کلن امیرحسین مرادي، ۱۹ کلنه یزدان تمنا، ۲۰ کلن علیرضا بهبودي یاو ۲۲ کلن کیارش کریمدادي ښودل شوي دي.

سرچینې وايي، امیرحسین مرادي په نوده سیمه کې په ډزو ووژل شو، په داسې حال کې چې علیرضا بهبودي او کیارش کریمدادي په وکیل‌آباد کې ووژل شول او یزدان تمنا د امامیه پولیسو د څانګې له خوا وژل شوې ده.

د وژل شویو کسانو پر کورنیو امنیتي ادارو فشار راوړی، چې په دې اړه غلي پاتې شي.

د مړو د سپارنې لپاره له څو ځله مراجعې وروسته، هغوی ته اجازه ورکړل شوې، چې خپل مړي تسلیم کړي او پټه خوله یې خاورو ته وسپاري.

یو اېن هېبیتات ویلي چې د سفنجي سیمو رامنځته کول د ښاري او کلیوالي چاپېریال د لا زرغونېدو، یخ او مقاوم کېدو لامل ګرځي.

د دې ادارې په وینا، دې تګلارې ته د اوبو د ګواښ په توګه نه، بلکې د کرنې، شنو ساحو او مقاومو ښارونو لپاره د یوې ارزښتناکې سرچینې په توګه ګوري.

د ملګرو ملتونو د دغه بنسټ د سپارښتنې له مخې، د سفنجي سیمو جوړول د اوبو بهیر پر سمه لاره سیخوي او تر ځمکې لاندې اوبو زېرمو ته ګټه کوي او که پلې شي په پلازمېنه کې به د اوبو د کمښت کړکیچ راکم کړي.

همدارنګه، دا اداره وايي چې له ونو سره یوځای کرنه (تلفیقي کرنه) او د اوبو د مسیرونو طرح کول چې د ځنګلونو، له وښو ډکو دښتو، لندو سیمو، د سېلابي میدانونو او ښاري شنو فضاوو رامنځته کول پکې شامل دي، د باران اوبه ساتي او د ضایع کېدو مخه یې نیسي.

سربېره پر دې، د کم‌عمقه سیندونو او ویالو بیا رغونه چې په نباتاتو پوښل شوي وي، د اوبو له کنټرول شوي بهیر سره مرسته کوي، او د ونو او بوټو کتارونه او د ځمکې سطحي نباتي پوښ د خاورې د نفوذ وړتیا زیاتوي او د سېلابونو مخه نیسي.

د ملګرو ملتونو د پایدار ښاري پراختیا پروګرام ټینګار کوي چې دا لارې چارې نه یوازې د اوبو په جذب او زېرمه کولو کې مرسته کوي، بلکې د ښار د تودوخې درجه راټیټوي، ایکوسیستمونه پیاوړي کوي او ښارونه او کلي د وچکالۍ او سختو بارانونو پر وړاندې لا مقاومه وي.

هانا نیومن ټینګار کړی چې طالبان باید د دغسې قوانینو له امله حساب ورکړي او نړیواله ټولنه باید د دوی پر وړاندې چوپه پاتې نه شي.

نوموړې یو ځل بیا ویلي چې له طالبانو سره د اړیکو عادي کول تر هغه د منلو وړ نه دي، چې د ښځو او نجونو پر وړاندې روان سیستماتیک ظلم پای ته نه وي رسېدلی.

دا په داسې حال کې ده چې طالبان د نوې جزایي اصولنامې د توشیح په حال کې دي.

د طالبانو د عدلیې وزارت ویلي، چې ددوی پر قوانینو هر ډول اعتراض پر اسلامي شریعت اعتراض ګڼل کېږي او قانوني تعقیب به ولري.

د یوې ډنمارکۍ رسنۍ د راپور له مخې، نامعلومو فعالانو دا بیرغونه د سې ‌شنبې په ورځ د سفارت مخې ته ایښي وو، خو د همغې ورځې په جریان کې د سفارت د امنیتي ساتونکو له خوا لرې کړل شول.

د امریکا ولسمشر ډونالډ ټرمپ تېره اونۍ له فاکس نیوز سره په مرکه کې ویلي وو چې په افغانستان کې د متحدو هېوادونو سرتېري «له جګړې یو څه شاته پاتې وو»، چې دا خبرې د اروپايي هېوادونو له لوري له سختو غبرګونونو سره مخ شوې. د ډنمارک لومړۍ وزیرې، مېته فریډریکسن، د ټرمپ څرګندونې «د نه منلو وړ» وبللې.

د کوپنهاګن ښاروالۍ ویلي، که څه هم د سفارت مخې ته سړک د ښاروالۍ تر واک لاندې دی، خو هغه ګلدانونه چې بیرغونه پکې ایښودل شوي وو د امریکا سفارت ملکیت ګڼل کېږي او د امنیتي تدابیرو برخه ده. د چاپېریالي چارو ښاروالې لینه بارفود، د بیرغونو لرې کول «بې‌احترامي» بللې ده.

هغې ویلي: «دغو بیرغونو په ډېر درناوي او ارام ډول د هغو ډنمارکي سرتېرو قربانۍ یادولې چې کلونه کلونه یې په افغانستان کې خدمت کړی و.»

د امریکا سفارت یوه ویاند ویلي چې د بیرغونو لرې کول له کومې بدې موخې پرته شوي او که د سفارت مشرتابه د دې اقدام له پیغامه خبر وای، بیرغونه به نه وای لرې شوي.

دا په داسې حال کې ده چې د کوپنهاګن او واشنګټن ترمنځ ډیپلوماتیکې اړیکې د ګرینلنډ پر سر ترینګلې شوي دي.