په باجوړ کې د لشکر طیبه ډلې د ښاروالۍ ټاکنو یو نوماند وژل شوی
د خیبر پښتونخوا ایالت د باجوړ ولسوالۍ د ماموند په سېوۍ سیمه کې د بمي چاودنې له امله د پاکستان د پخوانۍ جماعت الـ.ـدعوه ډلې غړی او د ښاروالۍ ټاکنو نوماند نجیبالله وژل شوی دی.
پولیسو د پېښې تصدیق کړی او ویلي یې دي چې له چاودنې وروسته امنیتي ځواکونه سیمې ته رسېدلي، شواهد یې راټول کړي او د پېښې پلټنې یې پیل کړې دي.
سرچینې وایي چې وژل شوی نجیبالله له جماعتالدعوه (پخوانۍ لشکر طیبه او اوسنۍ ملي مسلملیګ) ډلې سره تړاو درلود. د بمي برید مسوولیت تر اوسه کومې ډلې نه دی منلی.
