سهیل اپریدی: د خیبر ټولو مېشتو قومونو ستره جرګه به د راتلونکې یکشنبې په ورځ راوبلل شي

نوموړي زیاته کړې، چې په هماغه وخت کې جرګې وشوې؛ خو د عمران خان حکومت دغه دریځ لاره چې دا هر څه یوازې تبلیغات دي. هغه دا هم ویلي، د تړلو دروازو تر شا د شویو پرېکړو پایله دا شوه چې ناامني بېرته را وګرځېده او اقتصاد سخت زیانمن شو.

د هغه په وینا؛ نن پانګه‌وال او ځوانان د پاکستان پرېښودو لارې لټوي. د خیبرپښتونخوا سر وزیر دا هم ویلي، چې په تیراه کې کوم پوځي عملیات نه‌دي روان او د خلکو بې‌ځایه کېدل د عملیاتو له امله نه‌دي.

نوموړي زیاته کړې، چې د صوبې د ټولو سیاسي ګوندونو په ګډه جرګه کې به د ټولو په رایه ۱۵ماده‌ییزه اجنډا منظوره شوې او پرېکړه شوې چې د ستونزو د حل لپاره به په ګډه کار کېږي؛ څو دوامداره امن ټینګ شي.

نوموړي زیاته کړې، چې د صوبایي حکومت له لوري د اغېزمنو خلکو د مرستې او ساتنې لپاره څلور مېلیارده روپۍ ځانګړې شوې دي. سهیل اپریدي تر دې وړاندې ویلي و، چې ایالتي حکومت به د تیراه سیمې هغه کورنۍ یوازې پرېنږدي چې د پوځي عملیاتو له امله بې‌ځایه شوې دي.

نوموړي همداراز په ټينګار سره ویلي و، چې له سیاسي اجماع پرته شوې پرېکړې تل‌پاتې سوله نه‌شي راوستلای.