یونېسف: په افغانستان کې تعلیمي نظام له جدي ننګونو سره مخ دی
د ملګرو ملتونو د ماشومانو د ملاتړ صندوق ویلي، چې په افغانستان کې تعلیمي نظام له جدي ننګونو سره مخ دی، خو جوړېدل یې شونی دی.
د ملګرو ملتونو د ماشومانو د ملاتړ صندوق ویلي، چې په افغانستان کې تعلیمي نظام له جدي ننګونو سره مخ دی، خو جوړېدل یې شونی دی.
په افغانستان کې د ملګرو ملتونو د ماشومانو د ملاتړ صندوق (یونېسف) له شپږم ټولګي پورته د نجونو پر زده کړو د بندیز دوام په غبرګون پر خپلې اېکسپاڼې لیلکي، چې په افغانستان کې تعلیمي نظام له جدي خنډونو سره مخ دی، خو جوړېدل یې شونی دی.
یونېسف زیاته کړې:« د نجونو پر ثانوي زده کړو بندیز لرې کولو به نجونو ته اجازه ورکړي، چې مهارتونه ترلاسه کړي، د روغتیا په څېر حیاتي مسلکونو ته داخل شي او د خپلو کورنیو، ټولنو او د هېواد راتلونکی پیاوړی کړي».
د یونېسف ادارې دا څرګندونې پرداسې مهال کړي، چې په دې وروستیو ورځو کې د طالبانو د لوړو زده کړو وزیر یو پخوانۍ ویډیو کلیپ پر ټولنیزو رسنیو ډېر لاس پر لاس کېږي. نوموړي ویلي، چې د نجونو د زده کړو په اړه پوښتنې کولو لاندې هم د امرثاني پورې بندیز لګول شوی دی.
