وسله والو په دیره اسماعیل خان کې د پاکستان د پوځ یو ډګروال وژلی
د خیبر پښتونخوا ایالت د دیره اسماعیل خان ولسوالۍ پولیسو خبر ورکړی، چې ناڅرګندو وسله والو د دېره اسماعیل خان او بنو پر سړک د ډزو په یوه پېښه کې د پاکستان د پوځ یو افسر وژلی دی.
د خیبر پښتونخوا ایالت د دیره اسماعیل خان ولسوالۍ پولیسو خبر ورکړی، چې ناڅرګندو وسله والو د دېره اسماعیل خان او بنو پر سړک د ډزو په یوه پېښه کې د پاکستان د پوځ یو افسر وژلی دی.
پولیس وايي، پېښه د ډېره اسماعیل خان ولسوالۍ د شورکوټ په سیمه کې شوې ده.
د پېښې په انځورونو کې لیدل کیږي، چې د پوځي افسر موټر له سړک نه لاندې پټیو ته کوز شوی او نوموړی په شخصي جامو کې پر ځمکه پروت دی. پر موټر د سپکې وسلې د ډزو نښې لیدل کیږي.
د پولیسو په لومړني ثبت شوي رپوټ کې ویل شوي، چې وژل شوی افسر عمران نومېده او د ډګروال په رتبه کې یې د پاکستان په پوځ کې دنده ترسره کوله.
