ایران اسراییل ته د جاسوسۍ په تور یو کس اعدام کړ
اېسنا خبري اژانس د ایران اړوندو قضايي چارواکو په حوالې راپور ورکړی، چې د اسراییل لپاره د جاسوسۍ په تور د یو کس د اعدام حکم له قانوني پړاوونو تر بشپړېدو وروسته عملي شوی دی.
د ایراني چارواکو د معلوماتو له مخې؛ یاد کس حمیدرضا ثابت اسماعیلپور نومېده، چې د اسراییل استخباراتي ادارې سره د همکارۍ، د حساسو معلوماتو د لېږد او د ایران د ملي امنیت پرضد د فعالیتونو په تور نیول شوی و.
په راپور کې راغلي، چې نوموړی تر عدلي او قضايي څېړنو وروسته «مجرم» وپېژندل شو او د اعدام سزا ورکړل شوه.
