طالبانو په پنجشېر کې د یاقوتو ۱۰ نوي کانونه کشف کړي
په پنجشېر کې د طالبانو رسنیز دفتر خبر ورکړی، چې د دغه ولایت په حصهاول ولسوالۍ کې د یاقوتو لس نوي کانونه پېژندل شوي او هممهاله په ابشار او عنابه ولسوالیو کې د بیروج ډبرو کېندنه هم پیل شوې ده.
په پنجشېر کې د طالبانو رسنیز دفتر خبر ورکړی، چې د دغه ولایت په حصهاول ولسوالۍ کې د یاقوتو لس نوي کانونه پېژندل شوي او هممهاله په ابشار او عنابه ولسوالیو کې د بیروج ډبرو کېندنه هم پیل شوې ده.
په پنجشېر کې د طالبانو رسنیز دفتر لهخوا په خپرې شوې خبرپاڼه کې راغلي، چې د یادې ډلې د کانونو او پټرولیم وزارت تخنیکي او مسلکي ټیمونه د وروستیو ساحوي ارزونو پر مهال د حصهاول ولسوالۍ په یوشمېر سیمو کې د یاقوتو لس نوي کانونه تثبیت کړي دي.
په خپرې شوې خبرپاڼه کې راغلي، چې د یاد وزارت متخصصانو او انجنیرانو له نږدې څېړنو وروسته د دغه کانونو شتهوالی تایید کړی دی. د طالبانو ځایي چارواکي بیا وايي، له دې تازه موندنې سره هممهاله په ابشار او عنابه ولسوالیو کې د تورمالین (بیروج) کان رسمي استخراج هم پیل شوی، چې موخه یې د پنجشېر د طبیعي سرچینو «منظم مدیریت او اغېزمنه ګټهاخیستنه» ده.
پنجشېر د افغانستان له مهمو سیمو شمېرل کېږي، چې د ګران بیه ډبرو او په ځانګړې توګه د زمردو او یاقوتو سترې زېرمې لري. په وروستیو کلونو کې بېلابېلو راپورونو ښودلې، چې دغه ولایت د ګران بیه ډبرو د تولید لوړه وړتیا لري.
طالبانو تر دې وړاندې هم په پنجشېر کې د نویو کانونو د پېژندنې خبرونه ورکړي او ویلي یې وو، چې لسګونه تخنیکي ډلې یې د دغه ولایت د ځمکپوهنې جوړښت د ارزونې لپاره ګومارلې دي. د دوی د معلوماتو له مخې؛ په ځینو سیمو لکه پریان او حصهاول کې سلګونه نوي د زمردو کانونه تثبیت شوي او د ځینو استخراج یې هم پیل شوی دی.
ځینې طالب چارواکي ادعا کوي، چې تر اوسه په پنجشېر کې له زرو ډېر د زمردو کانونه ثبت شوي او سلګونه نورو ته د استخراج جوازونه ورکړل شوي دي. د ځمکپوهنې په اړه نړۍوالې څېړنې ښیي، چې د پنجشېر زمرد د کیفیت، روڼوالي او رنګ له پلوه د نړۍ له غوره ګران بیه ډبرو شمېرل کېږي او په نړۍوالو بازارونو کې ځانګړي پېرېدونکي لري.
