طالبان: ترکي پانګه‌وال د اوبو د برېښنا د تولید په نوې ټېکنالوژۍ کې پانګونې ته لېوالتیا لري

نوموړي ټینګار وکړ، چې ایران د متقابل درناوي پر بنسټ د خبرو اترو لپاره چمتو دی، خو که پرې فشار واچول شي، نو داسې بې‌ساری غبرګون به وښيي چې ساری به ونه لري. ډونالډ ټرمپ د سې‌شنبې په ورځ ایوا ایالت کې د وینا پر مهال وویل، یو «ستر پوځي سمندري ځواک» د «قدرت، چټکتیا او روښانه موخې» سره د ایران پر لور روان دی.
هغه وایي، دا سمندري ځواک چې د «ابراهام لینکن» هوايي بېړۍ یې مشري کوي، له هغه ځواک څخه هم لوی دی، چې پخوا ونزوېلا ته استول شوی و.

ټرمپ زیاته کړه، لکه څنګه چې په ونزوېلا کې عمل وشو، دا ځواک «چمتو، لېوال او وړ» دی چې که اړتیا پېښه شي، خپله دنده به په «چټکۍ او زور» سره ترسره کړي. د امریکا ولسمشر هیله وښوده چې تهران به «ژر تر ژره» خبرو ته کېني او د یوه «منصفانه او عادلانه» تړون پر سر به سلا ته ورسره ورسېږي؛ هغه تړون چې د ده په وینا، موخه یې دا ده چې ایران اټومي وسلو ته لاسرسی پیدا نه کړي او دا تړون به «د ټولو لورو په ګټه» وي.

ټرمپ خبرداری ورکړ، چې وخت په ختمېدو دی او وضعیت بېړنی شوی دی.

په همدې حال کې د ایران د اسلامي جمهوریت د بهرنیو چارو وزیر عباس عراقچي د چهارشنبې په ورځ وویل، چې په وروستیو ورځو کې د تهران او واشنګټن ترمنځ هېڅ اړیکه نه ده نیول شوې او د خبرو کوم رسمي وړاندیز هم نه دی شوی.
هغه وویل: «ځینې هېوادونه د منځګړو په توګه هڅې کوي او زموږ اړیکې ورسره روانې دي».

له بلې خوا، امریکايي رسنۍ اکسیوس د دې هېواد د چارواکو له قوله لیکلي چې دا مهال د امریکا او ایران ترمنځ هېڅ جدي مذاکرات نه تر سترګو کېږي. د سعودي عربستان، ترکیې او قطر په ګډون ځینو هېوادونو له دواړو لورو سره اړیکې نیولې او پیغامونه یې تبادله کړي دي.

اکسیوس همداراز لیکلي، ډونالډ ټرمپ د سې‌شنبې په ورځ د ترکیې ولسمشر رجب طیب اردوغان سره د ایران په اړه خبرې کړې دي او عباس عراقچي بیا د چهارشنبې په ورځ د ترکیې، قطر او سعودي عربستان د بهرنیو چارو له وزیرانو سره ټلیفوني خبرې کړې دي.

همداراز، افغانان د ۷۸،۸ سلنې د منلو له کچې سره د هغو ملیتونو له ډلې دي چې د نړۍوال ملاتړ د ترلاسه کولو تر ټولو لوړ چانس لري.

له افغانستان وروسته، د کانګو ډیموکراټیک جمهوریت د ۱۳ زره او ۲۰۰ غوښتنلیکونو، هایټي د ۱۲ زره او ۶۰۰ او اوکراین د ۱۲ زره او ۳۰۰ دوسیو په ثبتولو سره په فرانسه کې د پناه غوښتونکو له سترو سرچینو څخه دي.

د فرانسې د پناه‌غوښتنې د ملاتړ ادارې د شمېرو له‌مخې، یوازې دغه څلور هېوادونه د ۲۰۲۵ کال د ټولو ثبت شویو پناه غوښتنلیکونو له یوې پر درېیمې څخه زیات جوړوي.

دا په داسې حال کې ده، چې په عمومي ډول په فرانسه کې د پناه غوښتنلیکونو شمېر د تېر کال په پرتله کم شوی، خو د دوسیو د منلو کچه په څرګند ډول لوړه شوې ده.

د راپور له‌مخې، د ۲۰۲۵ کال تر پایه پورې په فرانسه کې ټول‌ټال ۱۴۵ زره او ۲۱۰ د نړۍوال ملاتړ غوښتنلیکونه ثبت شوي دي.

دغه شمېر د ۲۰۲۴ کال په پرتله شاوخوا ۵،۵ سلنه کمښت ښيي.

د فرانسې د پناه‌غوښتونکو د ملاتړ ادارې په وینا، دا د ۲۰۲۰ کال د کرونا وبا له پیل راهیسې دویم پرله‌پسې کال دی چې د پناه غوښتونکو شمېر راکمېږي.

د دې شمېرو له‌مخې، په ۲۰۲۵ کال کې نږدې ۴۱ سلنه د پناه غوښتنلیکونه د لومړنۍ ارزونې په پړاو کې د فرانسې د پناه ادارې له خوا منل شوي دي.

دغه شمېر ښيي، چې د پناه غوښتونکو د بریالیتوب چانس د تېر کال په پرتله لوړ شوی دی.

سربېره پر دې، د هغو کسانو په ګډون چې د لومړني رد وروسته یې په محکمه کې بریالی اعتراض کړی، په ۲۰۲۵ کال کې نږدې ۷۹ زره کسانو په فرانسه کې پناه یا نړۍوال ملاتړ ترلاسه کړی دی.

احمدشاه حبیبي د چارشنبې په ورځ افغانستان انټرنشنل ته وویل، چېمعلومه نه ده چې طالبان ولې د هغه له نیولو انکار کوي، خو له دوی او د امریکا له حکومت سره شواهد او ثبوتونه شته، چې نوموړی د طالبان په زندان کې دی.

د احمدشاه حبیبي په وینا، امکان لري چې طالبان په راتلونکي کې د وخت په تېرېدو د هغه قضیه تایید کړي، خو اوس یې ساتنه د یوې احتمالي معاملې لپاره روانه ده.

نوموړي افغانستان انټرنشنل ته وویل، چې«امریکايي چارواکو موږ ته ویلي، چې موږ د ټولو بندیانو په اړه له طالبانو سره غږیږو، دوی موږ ته ډاډ ورکړی، چې د رحیم خلاصون زما د ورور له خلاصون پرته ناشونی دی».

هغه وویل، چې محمودشاه حبیبي په کندهار کې ساتل کیږي.

د روان کال د د وري پر درېیمه، افغانستان انټرنشنل ته دوو سرچینو وویل وویل، چې محمود شاه حبیبي د کندهار ښار په عینو مېنه کې د کندهار د پخواني امنیه قوماندان جنرال رازق په میلمستون کې چې ملا هبت الله اخوندزاده غصب کړی، ساتل کیږي.

دغه میلمستون د عینو مېني په «ډبیلیو» سړک پروت دی.

د سرچینو د معلوماتو له مخې، ملا هبت الله اخوندزاده پخوا دغه میلمستون د خپلو ځینو لیدنو په موخه کاراوه، خو له ډیرې مودې راهیسې بیا دلته نه دی تللی.

طالبانو د کندهار په دغه مجلل ښار ګوټي کې د میلمستون شاوخوا له څلور تر پنځه سړکونه د عامو خلکو د تګ راتګ پر مخ له ډیر پخوا راهیسې بند کړي.

دغو سرچینو افغانستان انټرنشنل ته وویل، چې یاد میلمستون ته د ملا هبت الله اخوندزاده د ساتونکو له لوري ډاکټران راوستل کیږي، خو دا نه شي تایید ولای چې یاد ډاکټران د چا د تداوي لپاره میلمستون ته ځي.

له دې وړاندې سرچینو افغانستان انټرنشنل ته ویلي و، چې محمود شاه حبیبي په کندهار ښار کې د عینو مېني د دروازې مخامخ د تېر جمهوري نظام پر مهال د کندهار ولایت د ملي امنیت د تحقیقاتو مرکز کې، چې اوس ملا هبت الله ورڅخه د شخصي زندان په توګه استفاده کوي، ساتل کیږي.

هغه مهال د محمود شاه حبیبي کورنۍ کندهار ته د هغه انتقال تایید کړی و.

ځینې سرچینې وايي، چې یو بل امریکایی زنداني هم دغه زندان ته انتقال شوی، خو تر اوسه طالبانو ددې دواړو زندانیانو د ځای ځایکي په اړه څه نه دي ویلي او نه هم د حبیبي نیول کېدل تاییدوي.

محمود شاه حبیبي د ۲۰۲۲ کال د اګسټ په لسمه، د خپل کور له مخې له خپل موټر چلونکي سره یوځای د طالبانو له خوا ونیول شو. په کوم شرکت کې چې حبیبي کار کاوه، ۲۹ نور کارکوونکې یې هم طالبانو ونیول، خو د حبیبي همکاران ځینې دوه ورځې، ځینې اونۍ او ځینې څلور میاشتې وروسته د ده د موټر چلونکي په ګډون خوشې شول، خو نوموړیڅه باندې دوه کاله کیږي چې لاهم د طالبانو په بند کې دی.

د محمود شاه حبیبي ورور وویل: «موږ له ډېرو طالب چارواکو سره لیدلي، استخباراتو کې مو له طالب چارواکو سره ملاقاتونه کړي دي. دوی موږ ته تایید کړې وه، چې حبیبي له دوی سره دی او موږ ته یې دا ډاډ هم راکړی و، چې ډېر ژر به هغه خوشې کړي».

د طالبانو ویاند ذبیح الله مجاهد په خپلو وروستیو څرګندونو کې یوځل بیا د حبیبي د نیول کېدو په تړاو ناخبري ښودلې ده.

په افغانستان کې د ملګرو ملتونو د ماشومانو د ملاتړ صندوق (یونېسف) له شپږم ټولګي پورته د نجونو پر زده کړو د بندیز دوام په غبرګون پر خپلې اېکس‌پاڼې لیلکي، چې په افغانستان کې تعلیمي نظام له جدي خنډونو سره مخ دی، خو جوړېدل یې شونی دی.

یونېسف زیاته کړې:« د نجونو پر ثانوي زده کړو بندیز لرې کولو به نجونو ته اجازه ورکړي، چې مهارتونه ترلاسه کړي، د روغتیا په څېر حیاتي مسلکونو ته داخل شي او د خپلو کورنیو، ټولنو او د هېواد راتلونکی پیاوړی کړي».

د یونېسف ادارې دا څرګندونې پرداسې مهال کړي، چې په دې وروستیو ورځو کې د طالبانو د لوړو زده کړو وزیر یو پخوانۍ ویډیو کلیپ پر ټولنیزو رسنیو ډېر لاس پر لاس کېږي. نوموړي ویلي، چې د نجونو د زده کړو په اړه پوښتنې کولو لاندې هم د امرثاني پورې بندیز لګول شوی دی.

یاد وزارت ویلي چې په دې کتنه کې د افغانستان د مخابراتي سکټور د ودې او پراختیا، او همدارنګه لرې پرتو سیمو ته د مخابراتي پوښښ د غځولو په اړه خبرې وشوې.

نعماني د اغاخان بنسټ او روشن مخابراتي شرکت له همکاریو او ژمنتیا مننه کړې او ټینګار یې کړی چې یاد بنسټونه په افغانستان کې د مخابراتي خدماتو د پراختیا او د سکټور د پیاوړتیا په برخه کې مهم رول لري.

د طالبانو د مخابراتو وزارت د معلوماتو له مخې، د اغاخان بنسټ او روشن استازو په افغانستان کې د خپلو ترسره شویو فعالیتونو او راتلونکو پلانونو په اړه نعماني ته د معلوماتو او ډاډ تر څنګ د خدماتو د لا پراختیا ژمنه ور کړې ده.