د اروپا د پارلمان مشره: د ترهګرې ډلې په توګه د سپاه پاسداران اعلانول سمبولیک ګام نه دی
د اروپا د پارلمان مشرې روبرټا متسولا پر خپلې اېکسپاڼې لیکلي: «اروپا دا اوونۍ یو تاریخي فرصت او اخلاقي دنده لري چې بالاخره سپاه پاسداران د یو ترهګر سازمان په توګه وپېژني. دا اقدام یوازې سمبولیک نه دی، بلکې ریښتینی ارزښت لري».
نوموړې زیاته کړې: «اروپا د اقدام کولو مسوولیت لري. په میلیونونه ایرانیان چې د ځپنې تر سیوري لاندې ژوند کوي، موږ ته سترګې په لاره دي چې یو اخلاقي شفافیت او رهبري وګوري. هغه زرګونه کسان چې په سړکونو کې وژل شوي، لږ تر لږه د عدالت مستحق دي. د ایران خلک د ازادۍ مستحق دي او پر هغوی ظلم کوونکي باید امن ځای ونه لري».
