په هند کې د «نیپا» ویروس د خپرېدو له امله پاکستان خپلو وګړو ته خبرداری ورکړی

په مقاله کې ټينګار شوی، چې د ایران خلک «تاریخ جوړوي؛ خو بیه یې په خپلو ځانونو پرې کوي».

لیکوالو د لاریونونو پیل ته په اشارې سره لیکلي، چې نړۍواله ټولنه نور نه‌شي کولی په ایران کې د روانو پېښو په اړه د بې‌خبرۍ یا بې‌طرفۍ ادعا وکړي. د دوی په وینا؛ ایرانیان له نړۍ څخه دا نه غواړي، چې د دوی په استازیتوب خبرې وکړي؛ بلکې تمه لري چې نړۍواله ټولنه دوی پیاوړي کړي، ترڅو پيل کړې مبارزه پای ته ورسوي.

د یادې مقالې په یوې برخه کې راغلي، چې د ترهګرو ډلو په نوملړ کې د سپاه پاسداران د شاملولو په غوښتنه کې د اېټالیا له یوځای کېدو سره اوس یوازې فرانسه او هسپانیا د دې مخه نیسي چې اروپایي ټولنه په ډله‌ییزه توګه دغه ډله د ترهګرو سازمانونو په نوملړ کې شامله کړي.

د لیکوالانو په باور؛ اروپایي ټولنې لپاره اصلي پوښتنه نور د شرایطو برابرېدل نه دي، بلکې د اقدام لپاره سیاسي اراده ده. دغه مقاله داسې مهال خپره شوې، چې د چهارشنبې په شپه هسپانیا او فرانسې اعلان وکړ چې خپل پخوانی دریځ یې بدل کړی او د اروپایي ټولنې د ترهګرو په نوملړ کې د سپاه پاسداران د شاملولو ملاتړ کوي.

د یاد وزارت د خبرپاڼې له مخې؛ دغه کسان چې د پاکستان په بېلابېلو سیمو کې نیول شوي وو او د دغه هېواد په زندانونو کې له یوې ورځې تر دوو میاشتو پورې بندیان وو، تر خوشې کېدو وروسته د سپین بولدک له لارې افغانستان ته ستانه شوي دي.

په خبرپاڼه کې د دغه کسانو د جرمونو په اړه څه نه‌دي ویل شوي؛ خو په پاکستان کې افغانان تر ډېره په دغه هېواد کې د اوسېدو قانوني اسنادو نه لرلو له امله د پولیسو له‌خوا نیول کېږي. په تېرو وروستیو کې دغه لړۍ د خیبرپښتونخوا ایالت ته هم غځېدلې ده.
په پېښور کې مېشت افغان کډوال وایي، چې د پولیسو له وېرې له کوره بهر نه‌شي وتلای او که پولیس یې ونیسي؛ نو بېرته یې په جبري توګه افغانستان ته ستنوي.

له هغه راهیسې چې له طالبانو سره د اسلام‌اباد اړیکې ترېنګلې شوې؛ پاکستان د پلازمېنې په ګډون په یوشمېر ښارونو کې د افغان کډوالو پرضد عملیاتو ته زور ورکړی. په تېرو وروستیو کې پاکستاني پولیسو د افغانانو د نیولو لپاره ان د دوی د کورونو دروازې هم ماتې کړې دي.

عراقچي ویلي: «زموږ زړور وسله‌وال ځواکونه ګوته پر ماشه چمتو ولاړ دي او هغه ارزښتناک درسونه چې د دولس ورځنۍ جګړې څخه ترلاسه شوي، موږ ته دا توان راکړی چې لا پیاوړي، لا چټک او لا ژور ځوابونه ورکړو».

نوموړي په ورته وخت کې له امریکا سره د اټومي خبرو اترو ته د چمتووالي هرکلی کړی، خو ټینګار یې کړی چې ایران به د یورانیمو د غني‌کولو له خپل حق څخه تېر نه‌شي. دا په داسې حال کې ده، چې په ایران کې د یورانیمو د غني‌ کولو بشپړ بندېدل د ټرمپ د حکومت له اساسي غوښتنو څخه شمېرل کېږي.

د امریکا ولسمشر اسلامي جمهوریت ګواښلی چې که د واشنګټن غوښتنو ته غاړه کېنږدي، نو له درنو پوځي بریدونو سره به مخامخ شي.

په همدې تړاو، د اسلامي جمهوریت د دفاعي شورا غړی او د ایران د ستر مشر علي خامنه‌یي استازی علي شمخاني د ټرمپ دغو ګواښونو ته غبرګون ښودلی او په اېکس ټولنیزه شبکه کې یې لیکلي: «محدود برید یو خیال دی. د امریکا له لوري هر ډول پوځي اقدام، له هر ځایه او په هره کچه چې وي، د جګړې پیل بلل کېږي او ځواب به یې سملاسي، هر اړخیز او بې‌ساری وي».

شمخاني همداراز زیاته کړې، چې که برید وشي نو د تهران ځواب به «د یرغلګر زړه باندې وي، د تل‌ابیب مرکز او د یرغل ټول ملاتړي به هدف وګرځول شي».

بل‌خوا، د سپاه پاسداران ویاند علي محمد ناییني هم ویلي دي چې د ایران پر ضد پوځي لاره ناکامه شوې ده. نوموړي ټینګار کړی: «موږ د امریکایانو د ټولو سناریوګانو لپاره چمتووالی لرو او د جګړې پر ډګر بشپړ واک لرو».

هغه همداراز زیاته کړې: «د سپینې ماڼۍ چارواکي دا مهال د ګډوډۍ او بې‌وسۍ په حالت کې دي».

د پاکستان جيونیوز راپور ورکړی، چې د اسلام‌اباد ولسوالۍ محکمې نن د چهارشنبې په ورځ امر کړی، چې د خېبرپښتونخوا اعلی وزیر سهیل اپرېدي دې ونیول شي او محکمې ته وړاندې کړل شي.

د پلټنو فدرالي ادارې د سایبري جرمونو د مخنیوي قانون له‌مخې پر سهیل اپرېدي د دولتي ادارو پر ضد د بې‌بنسټه تورونو د لګولو قضیه ثبت کړې وه، خو نوموړی نن یادې محکمې ته حاضر نه‌شو.

محکمې امر کړی دی، چې سهیل اپریدي دې ونیول شي او د فبروري پر ۱۰مه دې محکمې ته حاضر کړای شي.

د خېبرپښتونخوا اعلی وزیر سهیل اپریدي او د هغه رسنیز دفتر د هغه د نیولو د امر صادرولو په تړاو تر اوسه څه نه دي ویلي.

دا پرېکړه د چهارشنبې په ورځ د امازون کارکوونکو ته د یوه رسمي پیغام له لارې اعلان شوې ده.

امازون د هغو دندو په اړه کوم کره جزییات نه دي ورکړي، چې د دې کاري کمښت تر اغېز لاندې راځي، خو ویلي یې دي چې هڅه کوي له هغو کارکوونکو ملاتړ وکړي چې دندې یې اغېزمنې کېږي او که امکان یې وي، ځیني به یې نورو کاري بستونو ته ولېږدوي.

د امازون اجراییوي رییس اندي جسي د جون په میاشت کې ویلي وو، چې د ټېکنالوژۍ د شرکتونو ترمنځ د مصنوعي ځیرکتیا په برخه کې د سختې سیالۍ له امله امازون اړ دی، چې خپل لګښتونه راکم کړي.

نوموړي همداراز ټینګار کړی و، چې په راتلونکو کلونو کې د مصنوعي ځیرکتیا پراختیا به د اداري بستونو د کمېدو سبب شي. د دې بهیر لومړنی پړاو د تېر کال په وروستیو کې د اکټوبر په میاشت کې د ۱۴ زره دندو په له‌منځه وړلو سره پیل شو.

له ۲۰۲۱ کال راهیسې چې اندي جسي د امازون مشري پر غاړه اخیستې، دغه شرکت څو ځله د کاري کمښت پړاوونه تجربه کړي دي. تر دې وړاندې هم د ۲۰۲۲ او ۲۰۲۳ کلونو ترمنځ د ژمي شاوخوا کې ۲۷ زره دندې په امازون کې له‌منځه وړل شوې وې.