ټرمپ: ایران ته مې وویل چې خپل اټومي پروګرام او د لاریون کوونکو وژنه ودروي
د امریکا ولسمشر ډونالډ ټرمپ د ایران له حکومت سره د خبرو په اړه د یوې پوښتنې په ځواب کې وویل:« ما خبرې اترې کړې دي او زه پلان لرم، چې دا کار وکړم». هغه زیاته کړه: « ایران ته مې وویل چې خپل اټومي پروګرام او د لاریون کوونکو وژنه ودروي. دوی زرګونه لاریون کوونکي وژني».
نوموړي د دغه خبرو په اړه ډېر جزییات نهدي ورکړي. ټرمپ د «میلانیا» مستند د پرانستې په مراسمو کې له رسنیو سره د خبرو پرمهال ویلي: «موږ همدا اوس له ډېرو لویو او ځواکمنو کښتیو سره د ایران په لور روان یو. دا به ډېره ښه وي، که یې کارولو ته اړ نهشو».
