ګارډين: برېتانیا جنګي الوتکې په قطر کې د ایران د احتمالي ځوابي برید لپاره ځای پرځای کړې دي
ګارډین ورځپاڼې د برتانوي سرچینو په حواله راپور ورکړی، چې د برېتانیا د هوایي ځواک تایفون جنګي الوتکې په قطر کې د دغه هېواد د چارواکو په غوښتنه ځای پرځای شوې دي. دغه اقدام د دې لپاره شوی، چې قطر سره د ایران د هر ډول ځوابي برید په وړاندې مرسته وکړي.
د راپور له مخې؛ امکان نهلري چې برېتانیا پر ایران د امریکا په احتمالي برید کې برخه واخلي. سرچینو ویلي، که ایران غچ اخیستونکی اقدام وکړي؛ نو ښايي د خلیجي هېوادونو د ملاتړ لپاره عمل وکړي.
