د پاکستان پوځ وایي په بلوچستان کې یې ۴۱ وسلهوال وژلي دي
د پاکستان پوځ اعلان کړی چې امنیتي ځواکونو یې د بلوچستان ایالت په پنجګور او هرنای ولسوالیو کې د دوو جلا عملیاتو پر مهال لږ تر لږه ۴۱ وسله وال وژلي دي .
پاکستاني پوځ د یوې خبرپاڼې په خپرولو سره ویلي چې دا عملیات د پنجشنبې په شپه، د سلواغې په نهمه، ترسره شوي دي.
خبرپاڼه زیاتوي، چې۳۰وسلهوال د هرنای ولسوالۍ په شاوخوا کې د عملیاتو پر مهال وژل شوي او ۱۱نور په پنجګور ولسوالۍ کې د امنیتي ځواکونو سره د نښتې پر مهال له منځه وړل شوي دي.
پوځ ویلي چې له دغو وسلهوالو څخه یې د پام وړ اندازه مهمات، چاودېدونکي توکي او هغه نغدې پیسې ترلاسه کړې دي چې د یوه بانک څخه غلا شوې وې.
د پاکستان پوځ وژل شوي وسلهوال «د هند تر ملاتړ لاندې خوارج» بلل دي. دوی تر دې وړاندې ویلي وو چې د تحریک طالبان پاکستان غړي به د «فتنهالخوارج» په نوم یادوي.
بلوچستان او خیبرپښتونخوا هغه دوه ایالتونه دي چې له افغانستان سره ډیورنډ کرښې ته نږدې پراته او د ناامنۍ له جدي ستونزو سره مخ دي.
