سټارمر: برېتانیا په ایران کې د اعتراض کوونکو د ځپلو په تړاو د امریکا د اقداماتو ملاتړ کوي
د تهران او واشنګټن ترمنځ د کړکېچ په زیاتېدو سره د برېتانیا لومړي وزیر وویل، چې هېواد یې په دوو برخو کې چې یو یې د ایران اټومي پروګرام او بل د اعتراض کوونکو خونړی ځپل دي، د ایران له حکومت سره د مقابلې په برخه کې د امریکا د هڅو ملاتړ کوي.
د برېتانیا لومړي وزیر کېیر سټارمر د جمعې په ورځ (د سلواغې ۹مه) چین ته د خپل سفر پر مهال ټینګار وکړ، چې د اسلامي جمهوري دولت د اټومي پروګرام د پراختیا مخنیوی "حیاتي ارزښت" لري. هغه همدارنګه د ایرانیانو د ملي پاڅون خونړی ځپل یو "ناوړه او د نه منلو وړ اقدام" وباله.
دا څرګندونې په داسې حال کې مطرح کېږي، چې متحده ایالات لا هم په منځني ختیځ کې د خپلو پوځي ځواکونو پر زیاتولو بوخت دي او د امریکا ولسمشر ډونالډ ټرمپ له تهران سره د خبرو اترو د وخت د پای ته رسېدو په اړه خبرداری ورکړی دی.
