بنګله دېش ایرلاین له ۱۳ کالونو وروسته یو ځل بیا پاکستان ته خپلې الوتنې پیل کړې
د پاکستان دفاع وزير خواجه اصف اعلان وکړ چې د بنګلهدېش او پاکستان ترمنځ تجارتي او هوایي اړیکې یو مهم پړاو ته رسېدلي. هغه وويل چې د بنګلهدېش ایرلاین الوتکه د جنورۍ پر ۲۹مه ماښام شاوخوا ۱۱بجې کراچۍ کې په برياليتوب سره کښته شوې. د دغه هوایي شرکت وروستۍ الوتنه په ۲۰۱۲ کال کې وه.
خواجه اصف زياته کړې چې اوس دې ایرلاین ته اجازه ورکړل شوې چې په اوونۍ کې درې الوتنې ترسره کړي.
په لومړنۍ الوتکه کې ۱۴۰ مساپر سپاره و او تمه ده چې په راتلونکې کې به د کارګو حجم څو برابره زيات شي.
د خواجه اصف په وينا، بنګلهدېش په ۲۰۱۲کال کې خپل وروستی پرواز ترسره کړی و، په داسې حال کې چې د پاکستان (پيایاې)خپله وروستۍ الوتنه ۲۰۱۸کال کې کړې وه.
د خواجه اصف په وینا د الوتنو له بیا پیل سره به د دواړو هېوادونو اقتصادي او تجارتي اړيکې لا غښتلې شي.
