طالبانو په څلورو ولایتونو کې د لویو لارو د خلاصېدو خبر ورکړ
د طالبانو د ټولګټو وزارت خبر ورکړی، چې د وروستیو واورو ورېدو او سخت توپانونو له امله په یو شمېر ولایتونو کې تړل شوي مواصلاتي لارې بېرته د ترافیکو پر مخ پرانیستل شوي دي.
د طالبانو د ټولګټو وزارت خبر ورکړی، چې د وروستیو واورو ورېدو او سخت توپانونو له امله په یو شمېر ولایتونو کې تړل شوي مواصلاتي لارې بېرته د ترافیکو پر مخ پرانیستل شوي دي.
د یاد وزارت ویاند محمداشرف حقشناس ویلي، چې په دایکندي ولایت کې د قوناق، نیلي–تمزان او خدیر کوتل مسیرونه له واورو پاک شوي او دا مهال پرې د موټرو تګ راتګ عادي حالت ته راګرځېدلی دی. نوموړي زیاته کړې، چې د غور ولایت ټول هغه مسیرونه چې له پرون ورځې راهیسې تړل شوي وو، هم بېرته پرانیستل شوي دي.
دغه راز، د میدان وردګو ولایت د اونۍ او حاجیګک کوتلونو لارې او د بامیانو ولایت د پنجاب پل هغه مسیرونه چې د خرابې هوا له امله بند شوي وو، اوس د ترافیکو پر مخ خلاص دي او وسایط پرې په عادي ډول تګ راتګ کوي.
