په کانګو کې د کولتان کان غورځېدو پېښه کې له ۲۰۰ څخه ډېر کسان مړه شوي
د کانګو د ختیځ په روبایا سیمه کې د کولتان کان د غورځېدو له امله لږ تر لږه ۲۰۰ کسان مړه شوي او شاوخوا ۲۰ نور ټپیان شوي دي، په مړو شویو کې کان کیندونکي، ماشومان او د ښځې شاملې دي.
د کانګو د ختیځ په روبایا سیمه کې د کولتان کان د غورځېدو له امله لږ تر لږه ۲۰۰ کسان مړه شوي او شاوخوا ۲۰ نور ټپیان شوي دي، په مړو شویو کې کان کیندونکي، ماشومان او د ښځې شاملې دي.
دغه کان د نړۍ شاوخوا ۱۵٪ کولتان تولیدوي، چې بیا یې د تانتالوم په توګه پروسس کېږي، کولتان داسې فلز دی چې په موبایلونو، کمپیوټرونو او فضایي وسایلو کې کارول کېږي. دغه سیمه له ۲۰۲۴ کال راهیسې د AFC/M23 یاغي ډلې تر کنټرول لاندې ده.
د دغه سیمې د والي ویاند مویسا ویلي: «ځینې قربانيان په وروستي شېبو کې ژغورل شوي، خو ځینې ټپيان جدي دي.» د والي یوه سلاکار د نوم نه ښودلو په شرط وویل، د مړیو شمېر لږ تر لږه ۲۲۷ دی.
د امریکا د خزانهدارۍ وزارت د جمعې په ورځ (د سلواغې ۱۰مه) د یوې خبرپاڼې په خپرولو سره د ایران حکومت ته د «رژیم» په خطاب کولو سره په دغه هېواد کې د معترضینو ځپنه «وحشیانه» بللې او یاد چارواکي یې د زرګونه معترضینو د وژنې مسوولین ګڼلي دي.
په دغو تحریم شویو کسانو کې د ایران د کورنیو چار وزیر سکندر مومني، د سپاه پاسداران د اطلاعاتو سازمان مسوول مجید خادمي، په تهران کې د سپاه سیدالشهدا قومندان قربان محمد ولیزاده، په همدان کې د سپاه پاسداران قومندان حسین کمالي، په ګیلان کې د سپاه پاسداران قومندان حمید دمغاني، د کرامانشاه ولایت لپاره د لبنان د وسلهوالو ځواکونو قومندان مهدي حاجیان شامل دي.
د امریکا د خزانهدارۍ وزارت وايي، یاد کسان د زرګونه معترضینو د وژنې مسوولین دي او له اعتراض کوونکو سره یې تر ټولو ډېر بد چلند کړی او ان دا چې پر معترضینو یې د مخامخ ډزو امر هم کړی دی.
له دې سربېره یو ایران پانګهوال بابک مرتضی زنجاني هم تحریم شوی او د امریکا په وینا، یاد کس د ایران له نفتي موادو ترلاسه شوي میلیاردونه ډالره چې اصلا د ایران ولس حق کېږي، اختلاس کړي او همداراز هغه یې د سپاه پاسداران یو له مهمو مالي تمویلوونکو بللی دی.
د دغه وزارت د معلوماتو لهمخې، بابک مرتضی زنجاني چې د میلمستونونو، ټرانسپورټ، ټېکنالوژۍ، مالي خدماتي چارو او همداراز د نفتي موادو پر صادراتو بوخت دی په ۲۰۱۶ کال کې په نفتي موادو کې د میلیاردونو ډالرو د اختلاس له امله په اعدام محکوم شو، خو په ۲۰۲۴ کال کې یې په حکم کې تخفیف راغی او د سپاه پاسداران یو له مهمو مالي تمویلوونکو دی.
د یاد وزارت په خبرپاڼه کې راغلي، د یادو کسانو ټولې هغه شتمنۍ چې په امریکا او یا هم د امریکایانو په واک کې دي کنګل شوي او هغه کسان او بنسټونه به چې ورسره په مستقیم او غېر مستقیم ډول اړیکې ولري له ورته چلند سره مخ شي.
د امریکا د خزانهدارۍ وزیر اسکاټ بنسټ ویلي: «د سوکاله ایران د جوړولو پر ځای، رژيم پرېکړه کړې چې د دغه هېواد نفتي عواید د اټومي او توغندیزو چارو پر پراخولو او په ټوله نړۍ کې د نیابتي ترهګرو ډلو پر ملاتړ ولګوي».
د یادونې وړ ده، چې دغه وزارت تېر کال هم د ایران په نفتي چارو کې ښکېل ۸۷۵ کسان تحریم کړي وو.
