د طالبانو ویاند ذبیحالله مجاهد ویلي، چې د یادې ډلې مشر ملا هبتالله اخوندزاده د یوه حکم لهمخې د معینانو، والیانو او امینه قومندانانو په ګډون د ۱۹ ادارو مسوولان له یوې ادارې څخه بلې ته تغییر او تبدیل شوي دي.
ذبیحالله مجاهد د شنبې په ورځ د (مرغومي ۱۱مه) پر خپلې اېکسپاڼې لیکلي، چې د ملا هبتالله اخوندزاده د یوه حکم پر بنسټ د یادې ډلې د حج او اوقافو وزارت د اسلامي عرفان او دیني چارو د انسجام مخکینی معین عزیزالرحمن منصور د پروان د والي په توګه، د نیمروز ولایت مخکینی مرستیال تور جان احمدي د دایکندي د والي په توګه، د کور او ښار جوړونې وزارت مخکینی مالي او اداري معین ارسلا خروټی د کلیو بیارغونې او پراختیا وزارت د کلیو ابادۍ د معین په توګه، د چارو ادارې لوی ریاست د فرهنګي او ټولنیزو چارو مخکینی رییس محمد رباني ناصح، د کور او ښار جوړولو وزارت د مالي او اداري معین په توګه او همدارنګه د یادې ډلې د سترې محکمې د دار الافتاء مخکینی غړی محمد طاهر احمد، د جهادي اثارو د ساتنې عمومي ریاست د رییس په توګه ټاکل شوي دي.
همدارنګه د هبتالله د حکم لهمخې، د پکتیکا او لغمان د امنیه قومندانانو په ګډون د ځینو نورو ادارو مسوولان له یوې ادارې څخه بلې ادارې ته تغییر او تبدیل شوي دي.
د هبتالله اخوندزاده لهخوا په تازه ګومارونو کې د تېر په څېر ټول طالبان پر دندو ګومارل شوي او له یادې ډلې پرته نورو کسانو ته دندې نهدي ورکړل شوي.
