طالبان وايي په پکتیا کې یې لسګونه دوربینونه او لغمان کې یې یوه ۱۲ میله وسله ترلاسه کړي
د طالبانو د کورنیو چارو وزارت وايي، چې د پکتیا پر لویه لاره یې د پلټونو پر مهال یو کس له ۴۴ دوربینونو سره نیولی دی. طالبانو ویلي، چې نیول شوي کس غوښتل یاد دوربینونه له خوست څخه لوګر ولایت ته قاچاق کړي.
د طالبانو د کونیو چارو وزارت د شنبې په ورځ (د سلواغې ۱۱مه) د یوې خبرپاڼې په خپرولو سره ویلي، چې نیول شوی کس په پکتیا کې د طالبانو د پولیسو له څېړنو وروسته په یاد ولایت کې له ترهګرۍ سره د مبارزې مدیریت ته سپارل شوی دی.
له دې سره سم، طالبانو ویلي، چې د لغمان په قرغهیو ولسوالۍ کې یې د کشفي عملیاتو پر مهال یوه بياېم۱۲ (BM-12) وسله هم ترلاسه کړې ده.
طالبانو په دې اړه چې د یادې وسلې په تور یې څوک نیولي او که نه، څه نهدي ویلي.
