طالبان وایي چې په کابل کې یې د جنایي جرمونو په تور اووه کسان نیولي دي
د طالبانو د کابل امنیه قومندانۍ خبر ورکړی چې د کابل ښار اوومې امنیتي حوزې په مربوطاتو کې اووه تنه د جنایي جرمونو په تور نیول شوي دي.
د طالبانو د کابل امنیه قومندانۍ خبر ورکړی چې د کابل ښار اوومې امنیتي حوزې په مربوطاتو کې اووه تنه د جنایي جرمونو په تور نیول شوي دي.
د یادې قومندانۍ له لوري نن د شنبې په ورځ د سلواغې په ۱۱مه، خپره شوې خبرپاڼه کې ویل شوي، چې له نیول شویو کسانو څخه پنځه تنه د غلا او یو بل تن د اخلاقي فساد په تور نیول شوي دي.
په دې وروستیو کې طالبان د غلا په تور د ګڼ شمېر کسانو د نیولو خبرونه ورکوي. بلخوا یو شمېر هېوادوال وایي چې د طالبانو له واکمنۍ وروسته بېکاري او فقر زیات شوی او همدې ستونزو ډېری خلک غلا او نورو جنایي جرمونو ته اړ کړي دي.
