طالبانو له قطر سره د ښاروالیو تر منځ د همکاریو پر پراختیا خبرې وکړې
په قطر کې د طالبانو سفیر سهیل شاهین د قطر د ښاروالۍ له وزیر عبدالله بن حمد بن عبدالله العطیه سره په کتنه کې د کابل او دوحې د ښاروالیو تر منځ د ګډو همکاریو پر پراختیا خبرې کړې دي.
په قطر کې د طالبانو سفیر سهیل شاهین د قطر د ښاروالۍ له وزیر عبدالله بن حمد بن عبدالله العطیه سره په کتنه کې د کابل او دوحې د ښاروالیو تر منځ د ګډو همکاریو پر پراختیا خبرې کړې دي.
په قطر کې د طالبانو سفارت د یکشنبې په ورځ (د سلواغې ۱۲مه) د یوې خبرپاڼې په خپرولو سره ویلي، دواړو لوریو په دې کتنه کې د سړکونو د احداث او بیارغونې، د ځمکنیو او هوايي پلونو د جوړولو، د ظرفیتونو د لوړاوي او نورو اړوندو موضوعاتو خبرې کړې دي.
له دې سره سم، د قطر د ښاروالۍ وزارت بیا ویلي چې په دې کتنه کې د دواړو هېوادونو ترمنځ د ګډو ګټو په برخو کې د همکاریو او د اړیکو د پیاوړتیا لارې چارې هم څېړل شوې دي.
د کندز د امام صاحب والسوالۍ اوسیدونکو له افغانستان انټرنشنل سره د پيښې انځورونه او ویډیوګانې هم شریکې کړې دي.
په دې پیښه کې د یوې کورنۍ دوه وروڼه عبدالولي، محمد ولي او یو د تره زوی بای خان د طالبانو د وسله والو له خوا وژل شوي دي.
دغه کورنۍ وايي، چې په حقوقي موضوع کې د طالبانو وسله والو مداخله کړې او له واک او وسلې څخه په ناوړه ګټې اخیستې یې د دوی د کورنۍ غړي وژلي دي.
دوی د طالبانو مشر ملاهبت الله څخه غواړي، چې د پيښې څیړولو لپاره یو بې پرې پلاوی وټاکي څو دا پيښه په شفاف ډول وڅېړل شي.
د وژل شویو کسانو یو ورور افغانستان انټرنشنل ته وویل، چې دوی نه غوښتل جسدونه خاورو ته وسپاري او د اعتراض په ډول یې جسدونه د کندز ولایت مقام مخې ته وړل خو طالبانو د دوی مخه نیولې ده.
دوی زیاتوي:« اووه کاله یې زموږ مېنه وخوړله اوس مونږ ورته راغلو خو دوی د طالبانو په زور باندې د محاکمو خبره نه منله او ورورڼه یې راته ووژل.»
طالبانو تر اوسه ددې پيښې په اړه څه نه دي ویلي.
په هغو ویډیوګانو کې، چې افغانستان انټرنشنل ته رسېدلې، یوه ډله کسان د درې تنو وژل شویو جسدونو ته فریاد او ژړا کوي.
د پیښې په ځای کې د روغتون امبولانس هم لیدل کېږي.
د کندز ولایت په امام صاحب ولسوالۍ کې ځايي سرچینو افغانستان انټرنشنل ته وویل چې طالبانو د وژل شویو کسانو کورنیو سره ژمنه کړې، چې دوی به هغه طالبان نیسي، چې په دې پېښه کې لاس لري.
دوی زیاتوي تر اوسه پورې طالبانو د خپلو وسله والو د نیولو لپاره عملي اقدام نه دی کړی او دا کسان د طالبانو په لوا کې دنده لري.
