د روسیې د امنیت شورا رییس پر امنیتي مسایلو د خبرو لپاره چین ته تللی
د روسیې د امنیت شورا مشر سېرګي شویګو بیجنګته رسېدلی، چې د چین د بهرنیو چارو وزیر وانګ یی سره پر امنیتي مسایلو وغږیږي. انټر فاکس خبري اژانس خبر ورکړی، چې «دواړه به د نړیوال او سیمهییز امنیت په برخه کې د بدلونونو په اړه خبرې وکړي».
بیجنګ ته د شویګو سفر د روسیې، اوکراین او متحده ایالاتو چارواکو ترمنځ د سولې خبرو اترو سره هممهاله دی.
شویګو له دې مخکې هم د ډسمبر په میاشت کې په مسکو کې له وانګ سره وکتل.
