د ننګرهار حوزوي روغتون کې د مغزي تومور عملیات په بریالیتوب سره ترسره شول

په کابل کې د ایران سفارت د یکشنبې په ماخوستن (د سلواغې ۱۲مه) په خپله اېکس پاڼه لیکلي، چې په دې کتنه کې د دواړو هېوادونو د سرحدي مسایلو په تړاو خبرې شوې دي.

بېکدلي په سرحدي برخه کې د دواړو هېوادونو همکاري د ایران او افغانستان د «هر اړخیزو مناسباتو» د ټينګښت او تقویت عامل بللی دی.

د طالبانو د سرحدونو، قومونو او قبایلو چارو وزارت لا تراوسه د دغې لیدنې په تړاو څه نه‌دي ویلي.

د افغانستان او ایران تر منځ ګډ سرحد شاوخوا ۹۲۱ کیلومتره اوږدوالی لري او ایران پروسږکال د دغه سرحد د تړلو لپاره د دېوال جوړولو چارې پیل کړې او ویل کېږي چې پر شاوخوا ۱۰۰ کیلومتره یې جوړ کړی دی.

تهران د دغې چارې موخه ایران ته د «ترهګرو او نشه‌يي توکو د قاچاقچیانو» له ننوتلو مخنیوی په ګوته کړی او چارواکو یې ویلي، چې دا کار به په یوه اته کلنه موده کې بشپړه شي.

د یادونې وړ ده، چې د طالبانو له بیا واکمنېدو وروسته په سرحدي سیمو کې د طالبانو او ایراني ځواکونو تر منځ هم څو ځلي نښتې هم شوي او له امله یې دواړو خواوو ته مرګ ژوبله هم اوښتې ده.

د هلمند ولایت لپاره د طالبانو د رسنیو دفتر د یکشنبې په ورځ (د سلواغې ۱۲مه) د یوې خبرپاڼې په خپرولو سره ویلي، اختطاف کوونکو څه موده مخکې یاد دوه کسان له لښکرګاه ښار څخه اختطاف کړي وو او بیا یې په سنګین ولسوالۍ کې ساتل.

د خبرپاڼې له‌مخې، اختطاف کوونکو د یادو کسانو د ازادولو لپاره د هغوی له کورنیو د ۱۰ میلیونه افغانیو غوښتنه کړې وه، خو بالاخره نن د یو لړ عملیاتو په پایله کې د اختطاف کوونکو له منګلو وژغورل شول.

په خبرپاڼه کې راغلي، په دې عملیاتو کې ۵ اختطاف کوونکي له یوه ټوپک او یوه موټر سره یو ځای نیول شوي دي.

ویل کېږي، چې یاد کسان بېرته خپلو کورنیو ته سپارل شوي او له اختطاف کوونکو لا هم پوښتنې او ګروېږنې روانې دي.

د پاکستان په بلوچستان کې د تېرې ورځې له بریدونو وروسته په ملګرو ملتونو کې د پاکستان استازي عاصم افتخار احمد نن له ډان ورځپاڼې سره په خبرو کې یو ځل بیا تور پورې کړ، چې افغان طالبان هغو وسله‌والو ډلو ته پناه ورکړې، چې د پاکستان پر ضد فعالیت کوي.

همدارنګه نوموړي ویلي، چې د هند ملاتړې ډلې هم د افغانستان خاوره د پناه ځای په توګه استفاده کوي.

عاصم افتخار د ملګرو ملتونو د سرمنشي هغو وروستیو څرګندونو ته اشاره کړې ده، چې په‌کې پر طالبانو غږ شوی و، څو د هغو وسله‌والو مخه ونیسي چې د پاکستان پر ضد د افغانستان له خاورې ګټه اخلي.

عاصم افتخار زیاته کړې: «د بلوڅ ازادۍ پوځ په ګډون ټي‌ټي‌پي د افغانستان له خاورې څخه د پاکستان پر وړاندې ترهګریز فعالیونه کوي او دا د ملګرو ملتونو د څارنې ټیم له‌خوا هم راپور شوي دي»

په ملګرو ملتونو کې د‌ پاکستان استازي ویلي، چې طالبان د دوحې د تړون د ژمنو په پوره کولو کې پاتې راغلي دي.

طالبانو په ۲۰۲۰ کال کې د دوحې د تړون له‌مخې ژمنه کړې وه، چې د افغانستان خاوره به د وسله‌والو ډلو له‌خوا نه کارول کېږي.

همدارنګه عاصم افتخار احمد ویلي: «موږ د دې ګواښ سره د مقابلې او له منځه وړلو لپاره ټول اړین اقدامات کوو او موږ هوډ لرو چې دا هدف ترلاسه کړو».

نوموړي دا څرګندونې پر داسې مهال کړي، چې تېره ورځ د بلوچ ازادۍ پوځ د پاکستان په بلوچستان کې هم‌مهاله پر څو ځایونو وسله‌وال برېدونه وکړل. د پاکستان د کورنیو چارو وزیر محسن نقوي تېره ورځ ویلي و، چې د یادو بریدونو تر شا د هند لاس دی.

د پروان ولایت لپاره د طالبانو د امنیه قومندانۍ د رسنیو دفتر د یکشنبې په ورځ (د سلواغې ۱۲مه) د یوې خبرپاڼې په خپرولو سره وايي، له دغو کسانو ۸۷۱ ګرامه اومه چرس، ۲۶۲ ګرامه شیشه، ۲۱ ګرامه تریاک، ۳ ګرامه هیرویین، ۱۲ زیکب نشه‌کوونکي تابلېتونه، یوه ښکاري وسله او ۱۲ موبایلونه هم ترلاسه شوي دي.

د یادو مسوولینو په وینا، دغه کسان په تېره یوه اوونۍ کې په بېلابېلو عملیاتو کې له مرکز او ولسوالیو نیول شوي دي.

د خبرپاڼې له‌مخې، نیول شویو کسانو پر خپلو کړو جرمونو اعتراف کړی او دوسیې یې هم عدلي او قضايي ادارو ته سپارل شوې دي.

له دې سره سم، د غور په مرکز فېروزکوه ښار کې ۳ غله چې پرون شپه یې له یوه کور څخه ۵۰۰ زره افغانۍ او د ۲ اعشاریه ۵ میلیونه افغانیو په ارزښت سره زر غلا کړي وو، د غور او هرات تر منځ د تخت مرز درې په سیمه کې له غلا کړو پیسو او سرو زرو سره یو ځای نن (یکشنبه د سلواغې ۱۲مه) نیول شوي دي.

د بادغیس ولایت لپاره د طالبانو د رسنیو دفتر د یکشنبې په ورځ (د سلواغې ۱۲مه) د یوې خبرپاڼې په خپرولو سره وویل، دغه مرستې د مشرتابه د سپارښتنې له‌مخې برابرې شوې دي.

د خبرپاڼې له‌مخې، په دې بهیر کې به پر ۱۲۰۰ راستانه شویو کورنیو هرې یوې ته یې ۲۵۰ کیلوګرامه غنم او ۵ زره افغانۍ ورکړل شي.

د طالبانو د کرني، اوبو لګولو او مالدارۍ وزیر عطاءالله عمري په دې پروګرام کې راستانه شویو ته له هرکلي ویلو سربېره وویل، دوی به د راستانه شویو کورنیو ستونزو ته رسېدنه وکړي. هغه له خیریه بنسټونو هم وغوښتل، چې په دې حساس پړاو کې د راستنېدونکو کډوالو ملاتړ او لاسنیوی وکړي.

له ګاونډیو هېوادونو تازه یو شمېر راستنې شوې کورنۍ وايي، سرپناه نه‌لري او د کېدونکو مرستو له ځنډني کېدو هم شکایت لري.

د یادونې وړ ده، چې په دې وروستیو کې له ګاونډیو هېوادونو او په ځانګړې توګه له پاکستان او ایران څخه سلګونه زره افغانان په جبري توګه اېستل شوي او دغه بهیر همداراز دوام لري.