طالبان وايي په هرات کې یې د سپینو زرو د ۱۳ خښتو له قاچاق کېدو مخنیوی کړی دی

د هلمند د رسنیو دفتر د شنبې په ورځ (د سلواغې ۱۱) د یوې خبرپاڼې په خپرولو سره ویلي، دغه مواد چې په‌کې ۲۵۴۵ کیلوګرامه انساني درمل، ۳۰۷۲ کیلوګرامه چاکلېټ او ۳۰۵۲ کیلوګرامه اچار شامل وو، څه موده مخکې د ځینو کسانو له لوري په قاچاقي ډول هېواد راوړل شوي وو.

په خبرپاڼه کې د یادو توکو د مبدا یا صادروونکي هېواد د نوم په اړه څه نه‌دي ویل شوي، خو تر دې مخکې له یادې لارې له پاکستان څخه واردات او صادرات کېدل.

له شاوخوا درېیو میاشتو راهیسې د افغانستان او پاکستان تر منځ هر ډول سوداګري په ټپه درول شوې او اوس یو شمېر کسان هڅې کوي په قاچاقي توګه دواړو خواو ته د اړتیا وړ مواد ولېږدوي.

لاریونوالو د هغو سرتېرو ستاینه وکړه، چې د افغانستان په جګړه کې یې خپل ژوند له لاسه ورکړی دی.

د ډنمارک ۴۴ سرتیري د ناټو په چوکاټ کې په افغانستان کې وژل شوي دي.

د فرانسې خبري اژانس د ډنمارک د پخوانیو سرتېرو د ټولنې او پولیسو په حواله د لاریونوالو شمېر له ۸ تر ۱۰ زرو پورې ښودلی دی.

د لاریون پر مهال ځینو ډنمارکیانو د ناټو د خدمت مډالونه هم پر سینه ټونبلي وو او په کوپنهاګن کې یې د امریکا سفارت مخې ته د یوې دقیقې لپاره چوپتیا هم غوره کړه.

یادو لاریونوالو د امریکا سفارت مخکې د ډنمارک هغه بیرغونه ځوړند کړل، چې په افغانستان کې د وژل شویو سرتېرو نومونه پرې لیکل شوي وو.

د ډنمارک د اردو تقاعد شوی ډګرمن نیلز کریسټیان کوفوډ چې په افغانستان کې یې دنده ترسره کړې وايي: «د دې ټولو بیرغونو تر شا یو انسان، یو سرتیری او یو ځوان ولاړ دی».

د افغانستان د جګړي یو بل پخوانی سرتېری لارسن چې په یاد لاریون کې یې برخه اخیستې وايي: «ما خپل یو نږدې ملګری او همکار له لاسه ورکړی. له همدې امله د ښاغلي ټرمپ څرګندونو سخت ودردولم او فکر کوم هغه زما ټولو جنګیالیو ملګرو ته د بښنې پوروړی دی».

دا په داسې حال کې ده، چې د امریکا ولسمشر ډونالډ ټرمپ څو ورځې وړاندې له فاکس‌نیوز سره په مرکه کې ویلي وو، چې په افغانستان کې د متحدو هېوادونو سرتیري «له جګړې یو څه شاته پاتې وو».

د نوموړي دا خبرې د اروپايي هېوادونو له لوري له سختو غبرګونونو سره مخ شوې دي.

د Doctors of Rahman خیریه بنسټ برېتانیا کې فعالیت لري او په دې یو اونیز طبي ماموریت کې د امریکا، انګلستان، هند، لبنان، قطر او یو شمېر نورو هېوادونو د اورتوپیدي، زړه، عمومي جراحي، انستیزي، بیړني طب، سترګو او سرطان ناروغیو درملنې برخو کې ۱۲ متخصص ډاکټران شامل دي.

د طالبانو د عامې روغتیا وزارت د یاد ماموریت موخه د افغانستان د روغتیايي سکتور پیاوړتیا، د تخصصي درملنې پراختیا، د طبي تجهیزاتو برابرول او د افغان روغتیايي کارکوونکو ظرفیت لوړول بولي.

دغه وزارت د یوې خبرپاڼې په خپرولو سره ویلي، یاد ډاکټران به د یوې اونۍ په ترڅ کې په ټاکل شویو روغتیايي مرکزونو کې ناروغانو ته روغتیايي خدمتونه هم وړاندې کړي.

یاد وزارت دغه طبي ماموریت د افغانستان د روغتیايي سیستم د پیاوړتیا، د تخصصي درملنې د پراختیا او له نړۍوالو خیریه بنسټونو سره د رغنده همکاریو په برخه کې یو مهم ګام بللی دی.

د پانګوالو دغه پلاوي چې په‌کې دوه چینايي پانګوال هنګ بالو او ګوانګ مېنګ وو، یو تاجکستانی پانګوال عبدالنظر قدرت رحیموف او افغان پانګوال شمس‌الله شامل دي، د شنبې په ورځ (د سلواغې ۱۱مه) د کندوز ولایت لپاره د طالبانو د والي له مرستیال حبیب‌الرحمان صهیب سره په کتنه کې وویل، چې د کندوز ولایت په علي‌آباد ولسوالۍ کې د سمنټو د یوه کان له تثبیت وروسته، چې شاوخوا ۱۰ کیلومتره اوږدوالی لري په نوي او عصري ټکنالوژۍ سمبال د سمنټو تولیدي کارخونه جوړوي، خو د جوړېدو د نېټې په تړاو یې څه نه‌دي ویلي.

دوی زیاته کړې، یاده کارخونه به له جوړېدو وروسته په ورځني ډول له ۲۵۰۰ څخه تر ۳۰۰۰ ټُنو د سمنټو د تولید وړتیا ولري.

دغو پانګوالو همداراز په ډاګه کړه، د سمنټو فابریکې له جوړېدو سربېره به په یاده سیمه کې د ګچ یوه تولیدي کارخونه هم جوړ کړي.

د کندوز ولایت لپاره د طالبانو د رسنیو دفتر په یوې خبرپاڼه کې راغلي: «یادو پانګوالو د فابریکې د اړتیا وړ برېښنا د برابرولو په برخه کې له ولایت مقام څخه د همکارۍ غوښتنه وکړه».

د خبرپاڼې له‌مخې، د کندوز ولایت لپاره د طالبانو د والي مرستیال حبیب‌الرحمان صهیب یادو پانګوالو ته ډاډ ورکړی، چې لازمې اسانتیاوې ورته برابروي.

د یادونې وړ ده، چې یادو پانګوالو د سمنټ او ګچ کارخونو د جوړېدو د نېټې او همداراز د پانګونو د کچې په تړاو څه نه‌دي ویلي.

د طالبانو د کانونو او پټرولیم وزارت ویاند همایون افغان ویلي، چې د ترکمنستان د بهرنیو چارو وزیر رشید مردوف د شنبې په ورځ (د سلواغې ۱۱مه) هرات ته د خپل سفر په ترڅ کې د تورغونډۍ بندر د پراختیايي او د ټاپي پروژې له روانو چارو لیدنه کړې ده.

نوموړي ویلي، چې د طالبانو د کانونو او پټرولیم وزیر هدایت‌الله بدري هم د ترکمنستان له بهرنیو چارو وزیر سره کتلي او دواړو لورو د تور غونډۍ بندر د ظرفیت لوړولو، ترانزیټي اسانتیاوو او دواړو هېوادونو تر منځ د سوداګریزو اړیکو د لا پیاوړتیا په اړه خبرې کړې دي.

د طالبانو د کانونو او پټرولیم وزیر هدایت‌الله بدري د ټاپي پروژه د سیمې لپاره مهمه او اقتصادي پروژه بللې او ټینګار یې کړی، چې د یادې پروژې چارې باید له ګډو همکاریو، لوړو معیارونو او ټاکلي مهالوېش سره سم پر مخ یوړل شي.

دا په داسې حال کې ده، چې د سلواغې په شپږمه نېټه په هرات کې د طالبانو د والي دفتر خبر ورکړی وو، چې په دغه ولایت کې د ټاپي پروژې ۹۱ کیلومتره پایپ لاین غځولو ته چمتو شوی. طالب چارواکو او د یادې پروژې مسوولینو ډاډ ورکړی، چې د روان زېږیز کال تر پایه به دغه پروژه په هرات کې بشپړه شي.