د ۱۹ کلنو ملي لوبډله به په نیمه پایلوبه کې د هند له لوبډلې سره د سیالۍ ډګر ته ښکته شي

د کرېکټ نړۍوالې شورا د یوې اعلامیې په خپرولو سره ویلي، چې پاکستان دې له هند سره د لوبو نه‌کولو د پرېکړې پر سترو او اوږدمهاله پایلو غور وکړي، ځکه دا پرېکړه ښايي د کرېکټ پر نړۍوال سیستم اغېز وکړي.

د کرېکټ نړۍوالې شورا په اعلامیه کې راغلي: «د کرېکټ نړۍواله شورا په ملي پالیسیو کې د حکومتونو رول ته درناوی لري،‌ خو دا پرېکړه نه د کرېکټ د نړۍ په ګټه ده او نه هم په پاکستان کې د کرېکټ د میلیونونو مینه‌والو په خیر ده».

د کرېکټ نړۍوالې شورا ویلي، چې د پاکستان له‌خوا له هند سره د لوبې پرېکون په تړاو یې تر اوسه کوم رسمي لیک نه دی ترلاسه کړی، خو تمه لري چې پاکستان د خپلې پرېکړې په اړه د یو داسې هوکړې لپاره لارې چارې ولټوي چې د ټولو لوریو په ګټه وي.

د هند او سریلانکا په کوربه‌توب د ۲۰۲۶ کال شل اوریز کرېکټ نړۍوال جام ته د ګوتو په شمار ورځې پاتې دي او د پاکستان حکومت نن د یکشنبې په ورځ اعلان وکړ، چې خپلې لوبډلې ته یې په یاد نړۍوال جام کې د لوبېدو اجازه ورکړې ده، خو له هند سره به نه لوبېږي.

د دې هېواد د حکومت په اعلامیه کې راغلي: «د پاکستان حکومت د پاکستان د کرېکټ ملي لوبډلې ته اجازه ورکوي چې د ۲۰۲۶ کال د شل اوریز نړۍوال جام په سیالیو کې ګډون وکړي، خو د پاکستان لوبډله به د فبرورۍ په ۱۵مه د هند پر وړاندې لوبغالي ته ښکته نه‌شي».

د‌ پاکستان د حکومت له‌خوا په خپره شوې اعلامیه کې له هند سره د نه لوبېدو د پرېکړې روښانه لامل نه دی ذکر شوی، خو ویل کېږي چې دا پرېکړه د دواړو هېوادونو ترمنځ د روانو سیاسي ترینګلتیاوو له‌مخې شوې ده.

د کرېکټ نړۍوالې شورا تر اوسه د پاکستان د یادې پرېکړې په اړه کوم غبرګون نه ښودلی.

تر دې وړاندې هم د بنګله‌دېش کرېکټ بورډ د کرېکټ له نړۍوالې شورا څخه غوښتنه کړې وه، چې په نړۍوال جام کې د یاد هېواد لوبې دې د هند پر ځای په سریلانکا کې تنظیم شي، خو د بنګله‌دېش یاده غوښتنه ونه منل شوه او هغوی له نړۍوال جام سره پرېکون اعلان کړ.

ښاغلي اشرف د یوې انلاین ناستې پر مهال ویلي، چې دا د ویاړ ځای دی افغانستان په ډېر لږ وخت کې درېیم ځل د کم عمره نړیوال جام نیمه پایلوبو ته رسېږي. نوموړي زیاته کړې، چې په هېواد کې د چمتووالي منظم کمپونه او له بنګله دېش او هند سره لوبلړۍ د لوبغاړو د بریاوو بنسټ وګرځېدې.

هغه همدارنګه د روزونکو او د کرېکټ بورډ د مدیره پلاوي هڅې هم ستایلي او ټینګار یې کړی، چې هر ځل د کورنیو روزونکو ملاتړ مثبتې پایلې لرلې دي.

د افغانستان کرکټ بورډ عمومي رییس نوي ځوانانو ته ویلي: «د ماتې په اړه هېڅکله فکر مه کوئ، تل له مثبت فکر سره سیالیو ته ولاړ شئ، موږ مو تل ملاتړي یو او ستاسو اړتیاوو ته به پر وخت رسېدنه وشي.»

بل‌خوا د لوبډلې مشر روزونکي رییس احمدزي د لوبغاړو پر وروستۍ کارکردګۍ خوښي وښوده او ویې ویل، که څه هم د اسیا جام په سیالیو کې یې لوبغاړو تر وروستي اور پورې سخته مبارزه کړې وه، خو د ماتې وروسته یې په لنډ وخت کې لوبډله بېرته چمتو کړې.

هغه د کرکټ بورډ د دوامدار ملاتړ ترڅنګ د روزونکو، مدیر، ټرینر، ډاکټر او ویډیو تحلیلوونکي رول مهم وباله او ویې ویل چې د دوی همغږۍ د بریاوو په ترلاسه کولو کې بنسټیزه ونډه لرلې ده.

په همدې حال کې د لوبغاړو په استازیتوب لوبډلمشر محبوب تسکین د کرکټ بورډ او روزونکو مننه وکړه او ویې ویل، چې دوی یې نړیوال جام ته په بشپړه توګه چمتو کړي دي.

نوموړي زیاته کړه: «زموږ سفر لا هم پای ته نه دی رسېدلی، پوره هڅه کوو چې نیمه پایلوبه وګټو او پایلوبې ته په رسېدو د نړیوال جام اتلولي افغانستان ته راوړو.»

شوبانکر میشرا په خپل فیسبوک پوسټ کې په پښتو لیکلي: «د افغانستان نولس کلنې ملي لوبډلې ایرلینډ ته ماته ورکړه او د نړیوال جام نیمه پایلوبې ته یې لار وموندله. د افغانستان ګران ولس ته دې ډېر ډېر مبارک وي.»

نوموړي همدا راز لیکلي، دې بریا یو ځل بیا زما خبره رښتیا کړه چې افغانستان رېښتیا هم د اسیا دویمه بهترینه لوبډله ده.

نوموړي زیاته کړې: « لویې لوبډلې په لویو ایونټونو کې ځان ثابتوي، او افغانستان یو ځل بیا ځان ثابت کړ».

شوبانکر میشرا ټينګار کړی چې هیله لري افغان لوبډله به د کرکټ په ډګر کې همداسې مخ پر وړاندې لاړه شي او نورې سترې بریاوې به ترلاسه کړي.

تر دې وړاندې د کرکټ نړیوالې شورا له وړاندې د ۱۹ کلنو نړیوال جام تر سیالیو مخکې تحلیلي راپور خپور کړی و، چې په کې د ځینو لوبغاړو وړتیاوې او د ځلېدو امکان ښودل شوی و.

له افغانستان یوازې فیصل خان په دې راپور کې یاد شوی و، چې په دغه سیالیو کې په ځانګړي ډول وځلېد. فیصل خان د نولس کلنو نړیوال جام په یوه لوبه کې د ۱۶۳ منډو په جوړولو سره لومړی افغان لوبغاړی شو چې داسې بریا ترلاسه کوي.

د ډله‌ییزو لوبو پړاو تر پای ته رسېدو وروسته چې ۱۶ لوبډلو په څلورو ګروپونو کې برخه اخیستې وه، ۱۲ غوره لوبډلې د شپږو غوره لوبډلو پړاو ته ووتلې او په دوو ډلو کې یې سیالۍ پیل کړې.

افغانستان چې د ډله‌ییزو لوبو پړاو په څلورم ګروپ کې د درېیو پرله‌پسې بریاوو سره د ګروپ په سر کې راغلی و، د شپږو غوره لوبډلو پړاو په لومړۍ لوبه کې یې د سریلانکا پر وړاندې ماتې وخوړه. سریلانکا چارشنبه په خپله دویمه لوبه کې سویلي افریقا ته ماتې ورکړه او د شپږو نمرو په ترلاسه کولو سره د ګروپ ترټولو مخکښه لوبډله شوه. په همدې ګروپ کې اسټرالیا د اتو نمرو سره مخکښه ده. د دغه شرایطو له مخې؛ د افغانستان لوبډلې نیمه‌پایلوبې ته د رسېدو لپاره یوازې د اېرلنډ پر وړاندې بریا ته اړتیا لرله.

استرالیا نیمه‌پایلوبې ته خپل تګ حتمي کړی دی. په دویم ګروپ کې د هند او انګلستان لوبډلې چې دواړه شپږ-شپږ نمرې لري، د لومړۍ او دویمې لوبډلې په توګه نیمه‌پایلوبې ته وتلې دي. اوس چې افغانستان نیمه پایلوبې ته ووت راتلونکې لوبه کې به له هند سره مخامخ کیږي.