په ننګرهار کې یوې مور څلور ماشومان زېږولي دي
د ننګرهار مقام ولایت رسنیز دفتر وايي، چې په دغه ولایت کې یوې مور څلور ماشومان زېږولي چې درې هلکان او یوه نجلۍ دي. د روغتیا پالانو په وینا ، د مور او ماشومانو روغتیايي وضعیت د ډاډ وړ دی.
د ننګرهار مقام ولایت رسنیز دفتر وايي، چې په دغه ولایت کې یوې مور څلور ماشومان زېږولي چې درې هلکان او یوه نجلۍ دي. د روغتیا پالانو په وینا ، د مور او ماشومانو روغتیايي وضعیت د ډاډ وړ دی.
تېر ۱۴۰۳ کال په شبرغان ښار کې يوې مور شپږ ماشومان زېږولي ول. په زېږېدلو ماشومانو کې څلور نجونې او دوه هلکان ول.
له دې وړاندې په ننګرهار او دایکندي ولایتونو کې دوو میندو پنځه پنځه بچیان نړۍ ته راوړي وو.
روان کال د ملګرو ملتونو د وګړو صندوق په یوه اعلامیه کې ویلي و،چې په هرو دوو ساعتونو کې یوه مور د امینداوارۍ او زېږون اړوند د مخنیوي وړ لاملونو له امله مري.
په سپین بولدک ولسوالۍ کې یوې سرچینې د نوم نه ښودلو په شرط افغانستان انټرنشنل – پښتو ته وویل، چې دغه درې ښځې ښایي څو میاشتې وړاندې وژل شوې وي او مړي یې د سپینبولدک ولسوالۍ د «سارګو» غره په لمنو کې په پټ ډول ښخ شوي وو.
سرچینه زیاتوي، چې د ځایي خلکو له خوا ولسوالۍ ته د یاد شکمن ځای په اړه خبر ورکړل شو او له کیندلو وروسته د یادو جسدونو پاتې شوني وموندل شول او د پېژندنې لپاره روغتون ته ولېږدول شول.
سرچینې زیاتوي چې مړي په بوجیو کې اچول شوي وو، چې دا چاره د قصدي پټولو او د پېښې د څېړنې د مخنیوي نښه بلل کېږي. تر دې دمه د وژل شویو ښځو هویت او د قتل انګېزه نه ده روښانه شوې.
د ښځو د حقونو فعالان وایي، دا ډول پېښې د قانون د حاکمیت د کمزورۍ او د ښځو پر وړاندې د تاوتریخوالي د دوام ښکارندویي کوي. د هغوی په وینا، د عاملینو نه پېژندل او د قضیو نه څېړل کولای شي دا ډول جرمونه نور هم زیات کړي.
تر اوسه د طالبانو ځايي چارواکو د دې پېښې په اړه کوم رسمي دریځ نه دی څرګند کړی.
د یادونې وړ ده چې د طالبانو له بیا واکمنېدو وروسته، د افغانستان له بېلابېلو سیمو څخه د ښځو د مرموزو قتلونو راپورونه ورکړل شوي دي. په داسې حال کې چې په ځینو قضیو کې کورنی تاوتریخوالی یاد شوی، خو په ډېری مواردو کې د قتل لاملونه پټ پاتې دي.
