طالبان حامد کرزي او عبدالله عبدالله ته اجازه نه ورکوي چې ځانګړې ورځې ونمانځي

مجاهد چې د تهران راډیو پښتو څانګې سره یې خبرې کولې زیاته کړه، «موږ داسې مستند شواهد او راپورنه خپاره کړل چې پاکستان داعش ډلې ته لومړی د بلوچستان په مستونګ سیمه کې پناه ځایونه ورکړي وو او د خپلو موخو لپاره یې کارول، دا دی اوس یې په خیبر پښتونخوا کې دا ډله ځای پر ځای کړې ده».

طالب ویاند د یوې پوښتنې په ځواب کې چې د اسلام اباد د شیعه وو پر جومات وروستي برید ته پکې اشاره شوې وه، چې ولې ؟ که داعش په پاکستان کې پټنځایونه او د پوځ ملاتړ له ځان سره لري په دې هېواد کې بریدونه ترسره کوي، وویل: « بدبختانه چې پاکستان د خپلو مرمزو استخباراتي موخو لپاره دا بده پدیده کاروي او ملاتړ یې کوي، د داعش روزل داسې دي لکه په لستوڼي کې د مار پالل، دا د پاکستان له خوا د داعش پروژې د پالیسۍ نتیجه ده، چې د دواړو هېوادونو د خلکو په تاوان ده.»

ذبیح الله مجاهد، د ټي ټي پي په اړه وویل، چې د دغې ډلې وسله وال جنګیالي په افغانستان کې حضور نه لري او شته خلک یوازې بې وسلې وزیرستاني کډوال دي چې دوی د ډیورنډ کرښې له نږدې سیمو څخه لرې لېږدولي دي.

هغه زیاته کړه، چې ټي ټي پي د پاکستان کورنۍ مساله ده او باید خپله یې حل کړي.

نومړي زیاته کړې چې طالبان هیچا ته دا اجازه نه ورکوي څو د افغانستان خاوره د نورو پر ضد د وسله والو فعالیتونو لپاره وکاروي.

مجاهد په داسې حال کې د داعش او ټي ټي پي په اړه څرګندونې کوي چې څو ورځې وړاندې په اسلام اباد کې د شیعه وو پر یو جومات کې د ځانمرګي برید لهکېدو وروسته، چې پړه یې داعش په غاړه واخیسته، د پاکستان د دفاع وزیر خواجه اصف او نورو چارواکو وویل چې له روژې وړاندې به یې غچ واخلي.

د پاکستان د کورنیو چارو وزیر محسن نقوي وویل، چې که څه هم ځانمرګی بریدګر افغان وګړی نه و، خو څو ځله یې افغانستان ته سفر کړی او له هغه ځایه یې وسله واله روزنه ترلاسه کړې وه.

د طالبانو دفاع وزیر یعقوب مجاهد له افغانستان څخه د شوروي ځواکونو د وتلو د کلیزې په مناسبت د سلواغې د ۲۶مې په مراسمو کې دا څرګندونې کړې دي.

نوموړي وویل، چې « تېر به هېروئ، د اینده فکر به کوئ، دا فکر به نه کوئ، چې دا په هغه تنظیم کې و او دا په هغه تنظیم کې. دا فکر به نه کوئ، چې دا له دې ډلې سره تړلی و او دا له هغې ډلې سره تړلی و. دا فکر به له ذهنه باسئ چې دغه سړي پخوا زما په مقابل کې دا خبرې کولې او یا یې دا اعمال کول، نو لهذا نن د انتقام ورځ ده او زه به خپل انتقام ورنه اخلم».

د طالبانو دفاع وزیر په خپلو خبرو کې د غچ اخېستې فکر رد کړ او ویې ویل، چې که دا فکر د طالبانو په لیکو کې وي او د یوه او بل پښې وهي، اوسنۍ اداره به یې پایداره پاتې نه شي.

هغه وویل، چې په زور واک ته د رسېدلو کسانو قبرونه نن سبا ورک دي.

هغه د طالبانو غړي مخاطب کړل، چې له دغسې فکرونو ډده وکړي، ګني خلک به یې لېوني وګڼي: « پنځه ورځې ژوند وي، ګورئ، دغسې فکرونه مه کوئ چې یو عاقل او هوښیار سړی ستا ددې فکرونو په وجه تا په لېوني خطاب کړي».

هغه دا هم وویل چې ټول توپیرونه باید یوې خوا ته شي څو هیواد بیا د "ستونزو، اشغال، کورنیو جګړو او ګډوډۍ"سره مخ نشي.

د طالبانو د دفاع وزیر دا هم وویل، چې د طالبانو په نظام کې باید قومي یا ژبني تعصب نه وي.

یعقوب مجاهد د طالبانو د کابینې غړو ته په خطاب کې وویل، «تنګ نظر مه کوئ.»

هغه زیاته کړه، چې که یو څوک خپل لید له افغانستان څخه سیمې، بیا قوم او په پای کې یوازې ځان ته محدود کړي، نو هغه به یوازې شخصي ګټې وګوري او پیسې، ځواک او شخصي غوښتنې به تعقیب کړي.

د هغه په ​​وینا، فکرونه باید پراخ وي او تنګ نظر باید یوې خوا ته شي.

د طالبانو د دفاع وزیر په ټولو افغانانو غږ وکړ، چې د امنیت په ساتلو کې د طالبانو ځواکونو سره همکاري وکړي او د وینې توییدو مخنیوي په نیت د دوی تر څنګ ودریږي.

د کوم ځانګړي هیواد د نوم له اخیستلو پرته، مجاهد وویل چې ځینې هیوادونه افغانستان ته د بې ثباتي له زاویې ګوري او خپلې ګټې یې په کمزورۍ کې ګوري.

هغه وویل چې د دفاع وزیر په توګه، د سیمې او نړۍ هیوادونو ته ډاډ ورکوي چې افغانستان د هیڅ هیواد لپاره ګواښ نه دی او د طالبانو اداره «د هیڅ هیواد په وړاندې هیڅ بد نیت نه لري».

مجاهد وویل، چې طالبان د متقابل درناوي پر بنسټ سیاسي او اقتصادي اړیکې غواړي.

د هغه په ​​وینا، «غلامي او د نورو د امرونو منل د منلو وړ نه دي» او دا ډله د مذهب او ملي ګټو په چوکاټ کې ځان خپلواک ګڼي.

د هرات ولایت د رسنیو دفتر له خوا په خپره شوې خبرپاڼه کې راغلي، دغه پروژه د ۶۵ جریبه ځمکې پر مساحت، په څلورو برخو کې طرحه شوی او ټاکل شوې چې په شپږو میاشتو کې بشپړ شي.

خبرپاڼه زیاتوي، په دغه پروژه کې شاوخوا ۶۰۰ دوکانونه، یو جامع جومات، او د ۲۵ جریبه ځمکې باندې سړه خونه شامله ده چې د ۲۰ زره ټنو زراعتي توکو د ساتنې وړتیا لري.

د پرانیستې په مراسمو کې د طالبانو د کرنې، اوبو لګولو او مالدارۍ وزارت مرستیال او يه هرات کې د طالبانو والي اسلام‌جار ګډون کړی و.

د طالبانو کرنې وزارت مرستیال د دغه بازار جوړېدل د سبزیو او تازه مېوو د پروسس او خوندي ساتنې لپاره مهم ګام بللی دی.

خبرپاڼه زیاتوي، د هرات والي اسلام‌جار له بزګرانو وغوښتل چې د کرنې متخصصینو په مشوره داسې محصولات وکري چې لږو اوبو ته اړتیا ولري او د کرنې د میکانیزه کېدو بهیر ته پاملرنه وکړي، ترڅو د سیمې اقتصادي پرمختګ او د خوراکي توکو د کیفیت ښه‌والی تضمین شي.

مجاهد په کابل کې د دلوې ۲۶مې په مراسمو کې وویل چې که افغانان د انتقام‌اخیستنې او د قدرت لپاره د سیاسي اختلافاتو په فکر پاتې شي، نو نظام به پایدار نه شي او دغه وضعیت به هېواد لا پسې بې‌ثبات کړي.

هغه زیاته کړه: «که د انتقام اخیستنې په فکر یاست، دا نظام دوامداره نه دی، او هغه کسان چې یوازې د اقتدار په لټه وو، نن حتی قبرونه یې هم شتون نلري.»

نوموړي د ملي یووالي او د راتلونکي نسل لپاره د مسولیت پر اهمیت هم خبرې وکړې او ویې ویل چې افغانان باید داسې تاریخ جوړ کړي چې راتلونکی نسل پرې وویاړي، نه دا چې پرې وشرمیږي.

یعقوب مجاهد همدا راز وویل چې د «برترۍ معیار باید نه ژبه، نه قوم او نه مقام، بلکې تقوا او ایمانداري وي.»

په ورته وخت کې د افغانستان په اوسني سیاسي جوړښت انتقاد کوونکي وايي چې د طالبانو په واکمنۍ کې ټول واک په یوه قشر، یعنې ملایانو راټول شوی، چې د سیاسي تنوع او ټولشموله ګډون د نشتوالي سبب شوی دی. د دې مطلق واکمنۍ له امله د خلکو حقوق، د ښځو او نجونو د زده کړو محدودیتونه، د اقلیتونو او لږکیو کمزوری استازیتوب، او د مدني بنسټونو محدوده ونډه څرګندېږي.

شنونکي ټینګار کوي چې که د هېواد اوږدمهاله ثبات، ملي یووالی او اقتصادي پرمختګ غواړي، نو لازمه ده چې د تصمیم نیونې په پروسه کې د ټولنې مختلف قشرونه، قومونه او سیاسي ډلو ته ځای ورکړل شي، څو حکومت د یو قشر د غوښتنو تابع پاتې نشي او ملي او ټولشموله بنسټونه جوړ شي.

د تهران والي معتمدیان زیاتوي چې د دوی په ایستلو سره د دولت لګښتونه هم راکم شوي دي.

د تهران والي ویلي: «هر زده‌کوونکی د دولت لپاره ټاکلي لګښتونه لري. کله چې تاسو ۳۲۰۰ټولګي اداره کوئ، د اوبو، برېښنا، ګاز، د ښوونځیو د روانو مصارفو او د ښوونکو د معاشونو لګښتونه ټول پر دولتي بودجې تحمیل کېږي.»

د نوموړي د وړاندې کړو شمېرو له مخې، یوازې له تهران ولایته تر ۵۳۰ زرو ډېر بې‌اسناده افغان کډوال ایستل شوي چې له دې سره د ډوډۍ او اوړو مصرف هم کم شوی دی.

محمدصادق معتمدیان ویلي چې تهران باید د بې‌اسنادو افغان کډوالو کوربه نه وي. هغه زیاته کړې: «زموږ له ۱۵ګاونډیو هېوادونو هېڅ یو هم چمتو نه دی چې دومره شمېر ناقانونه بهرني وګړي په خپله پلازمېنه کې ومني.»