پزشکیان: موږ د امریکا اقدامات په دقت څارو او د هر ډول احتمال ځواب ته چمتو یو

د طالبانو د پوهنې وزارت په پکتیکا او ننګرهار ولایتونو کې د پاکستان هوايي بریدونه په کلکو ټکو غندلي او ویلي یې دي، چې په دغو بریدونو کې د درېیو نجونو په ګډون اته زده‌کوونکي وژل شوي دي.

د طالبانو د پوهنې وزارت په خبرپاڼه کې راغلي: «د پکتیکا د برمل ولسوالۍ د مرغې کلي په فاروقیه مدرسه کې د شوي برید له امله یو طالب‌العلم ټپي شوی او د ننګرهار د بهسودو ولسوالۍ اړوند د ښوونځیو اته تنه زده‌کوونکي چې پنځه یې هلکان او درې نجونې وې، شهیدان شوي دي».

د طالبانو د پوهنې وزارت ویلي، چې د پاکستان په یادو بریدونو کې د پکتیکا په برمل ولسوالۍ کې یو تعلیمي مرکز په بشپړ ډول وېجاړ شوی او دیني کتابونه په‌کې سوځېدلي دي.
طالبانو ویلي: «دا نه بښونکې او وحشیانه کړنې ښيي چې د پاکستاني رژیم دوښمني یوازې د افغانانو له ژوند سره نه، بلکې د هغوی له دین، تعلیم، تعلیمي مرکزونو او فرهنګي بنسټونو سره هم ده».

د پاکستان د جماعت اسلامي ګوند پخواني مشر سراج‌الحق په پکتیکا او خوست کې د پاکستان له هوايي بریدونو وروسته پر خپلې اېکس‌پاڼې لیکلي: «په پاکستان کې د ترهګریزو پېښو زور اخیستل او د افغانستان او پاکستان ترمنځ د کړکېچ او تاوتریخوالي زیاتېدل نه یوازې د اسلامي امت ژورې اندېښنې راپارولې دي، بلکې د دواړو هېوادونو لپاره د یوې احتمالي فاجعې خبرداری او د خطر زنګ دی».

سراج‌الحق د افغانستان او پاکستان ترمنځ د شخړو پر حل، د سیمې پر تلپاتې امنیت، اقتصادي ودې او سوکالۍ لپاره د کابل او اسلام‌اباد ترمنځ پر متقابل باور او رغنده تفاهم ټینګار کړی دی.

سراج‌الحق زیاته کړې: «اوسنی حساس پړاو د احساساتي دریځونو نه، بلکې د تدبر، زغم او سیاسي شعور غوښتنه کوي؛ ځکه که د اختلاف اور ژر مهار نه‌شي، لمبې به یې له پولو واوړي او زیان به یې یوازې ولسونه ګالي».

د پاکستان د جماعت اسلامي ګوند یاد پخواني مشر دا څرګندونې پر داسې مهال کړي، چې پاکستان تېره شپه په پکیتکا او ننګرهار ولایتونو کې بمبارۍ وکړې او طالبانو ویلي، چې دغه بریدونه پر ملکي وګړو شوي دي.

د یادې جبهې په خبرپاڼه کې راغلي، چې دغه برید یې د شنبې پر ماښام د کب په ۲مه نېټه شاوخوا اووه بجې د کندز ښار په کابل بندر سیمه کې هوایي ډګر ته نږدې کړی دی.

خبرپاڼه زیاتوي، چې په وژل شویو کې د یادې ګزمې طالب مشر هم شامل دی.

مقاومت جبهې ویلي چې د برید پر مهال د دوی ځواکونو او ملکي وګړو ته کوم زیان نه دی اوښتی. دغه ډله زیاتوي، چې ورته هدفمند بریدونه د هېواد په بېلابېلو سیمو کې د طالبانو پر ضد د دوي د عملیاتو د لړۍ برخه ده، چې موخه یې د طالبانو د غیرقانوني واکمنۍ له منځه وړل دي.

تر اوسه طالبانو د دغې جبهې د ادعا په اړه رسمي غبرګون نه دی ښودلی.

د طالبانو د بادغیس امنیه قوماندانۍ ویاند صدیق الله صدیقي د یادې پېښې پخلی کړی او ویلي یې دي، چې دغه ۴۰۴ ډوله مسافر وړونکی بس له خپل اصلي سړکه تر وتلو وروسته چپه شوی دی.

دغه پېښه د بند سبزک لارې په پای کې شوې او یاد بس ۴۵ مسافر له هرات څخه د بادغیس ولایت مرکز قلعه‌نو ته لېږدول.

د معلوماتو له مخې، په بس کې ښځې او ماشومان هم سپاره وو. ځايي سرچینې وایي چې ښايي د تلفاتو شمېر نور هم لوړ شي.

بند سبزک هغه سیمه ده چې د هرات او بادغیس ولایتونه سره نښلوي.

دا غرنۍ او ستونزمنه لاره پخوا د کوچنیو موټرو لپاره هم خطرناکه بلل کېده، خو په وروستیو کلونو کې د سړک له قیر کېدو وروسته د مسافر وړونکو بسونو تګ راتګ هم پر دې لار زیات شوی دی.

د دغه کمېسیون د راپور له مخې، دغه کډوال د ننګرهار تورخم، د کندهار سپین بولدک، د هلمند بهرامچې، د هرات اسلام‌کلا او د نیمروز د ورېښمو پله له لارې ستانه شوي دي.

راپور زیاتوي، له یادو کورنیو څخه ۴۴۶ کورنۍ د تورخم له لارې، ۱۰۸کورنۍ د سپین بولدک له لارې،۶۶ کورنۍ د ورېښمو پله له لارې او ۶کورنۍ د اسلام‌کلا له لارې افغانستان ته ستنې شوې دي.

دا په داسې حال کې ده، چې په دې وروستیو کې له پاکستان او ایران نه د افغان کډوالو د جبري ستنولو لړۍ پراخه شوې او ملګرو ملتونو په افغانستان کې د بشري ناورین د ډیریدو په هکله اندیښنه ښودلې ده.