د طالبانو د پوهنې وزارت: د پاکستان په هوايي بریدونو کې ۸ زده‌کوونکي وژل شوي

د پاکستان د جماعت اسلامي ګوند پخواني مشر سراج‌الحق په پکتیکا او خوست کې د پاکستان له هوايي بریدونو وروسته پر خپلې اېکس‌پاڼې لیکلي: «په پاکستان کې د ترهګریزو پېښو زور اخیستل او د افغانستان او پاکستان ترمنځ د کړکېچ او تاوتریخوالي زیاتېدل نه یوازې د اسلامي امت ژورې اندېښنې راپارولې دي، بلکې د دواړو هېوادونو لپاره د یوې احتمالي فاجعې خبرداری او د خطر زنګ دی».

سراج‌الحق د افغانستان او پاکستان ترمنځ د شخړو پر حل، د سیمې پر تلپاتې امنیت، اقتصادي ودې او سوکالۍ لپاره د کابل او اسلام‌اباد ترمنځ پر متقابل باور او رغنده تفاهم ټینګار کړی دی.

سراج‌الحق زیاته کړې: «اوسنی حساس پړاو د احساساتي دریځونو نه، بلکې د تدبر، زغم او سیاسي شعور غوښتنه کوي؛ ځکه که د اختلاف اور ژر مهار نه‌شي، لمبې به یې له پولو واوړي او زیان به یې یوازې ولسونه ګالي».

د پاکستان د جماعت اسلامي ګوند یاد پخواني مشر دا څرګندونې پر داسې مهال کړي، چې پاکستان تېره شپه په پکیتکا او ننګرهار ولایتونو کې بمبارۍ وکړې او طالبانو ویلي، چې دغه بریدونه پر ملکي وګړو شوي دي.

د یادې جبهې په خبرپاڼه کې راغلي، چې دغه برید یې د شنبې پر ماښام د کب په ۲مه نېټه شاوخوا اووه بجې د کندز ښار په کابل بندر سیمه کې هوایي ډګر ته نږدې کړی دی.

خبرپاڼه زیاتوي، چې په وژل شویو کې د یادې ګزمې طالب مشر هم شامل دی.

مقاومت جبهې ویلي چې د برید پر مهال د دوی ځواکونو او ملکي وګړو ته کوم زیان نه دی اوښتی. دغه ډله زیاتوي، چې ورته هدفمند بریدونه د هېواد په بېلابېلو سیمو کې د طالبانو پر ضد د دوي د عملیاتو د لړۍ برخه ده، چې موخه یې د طالبانو د غیرقانوني واکمنۍ له منځه وړل دي.

تر اوسه طالبانو د دغې جبهې د ادعا په اړه رسمي غبرګون نه دی ښودلی.

د طالبانو د بادغیس امنیه قوماندانۍ ویاند صدیق الله صدیقي د یادې پېښې پخلی کړی او ویلي یې دي، چې دغه ۴۰۴ ډوله مسافر وړونکی بس له خپل اصلي سړکه تر وتلو وروسته چپه شوی دی.

دغه پېښه د بند سبزک لارې په پای کې شوې او یاد بس ۴۵ مسافر له هرات څخه د بادغیس ولایت مرکز قلعه‌نو ته لېږدول.

د معلوماتو له مخې، په بس کې ښځې او ماشومان هم سپاره وو. ځايي سرچینې وایي چې ښايي د تلفاتو شمېر نور هم لوړ شي.

بند سبزک هغه سیمه ده چې د هرات او بادغیس ولایتونه سره نښلوي.

دا غرنۍ او ستونزمنه لاره پخوا د کوچنیو موټرو لپاره هم خطرناکه بلل کېده، خو په وروستیو کلونو کې د سړک له قیر کېدو وروسته د مسافر وړونکو بسونو تګ راتګ هم پر دې لار زیات شوی دی.

د دغه کمېسیون د راپور له مخې، دغه کډوال د ننګرهار تورخم، د کندهار سپین بولدک، د هلمند بهرامچې، د هرات اسلام‌کلا او د نیمروز د ورېښمو پله له لارې ستانه شوي دي.

راپور زیاتوي، له یادو کورنیو څخه ۴۴۶ کورنۍ د تورخم له لارې، ۱۰۸کورنۍ د سپین بولدک له لارې،۶۶ کورنۍ د ورېښمو پله له لارې او ۶کورنۍ د اسلام‌کلا له لارې افغانستان ته ستنې شوې دي.

دا په داسې حال کې ده، چې په دې وروستیو کې له پاکستان او ایران نه د افغان کډوالو د جبري ستنولو لړۍ پراخه شوې او ملګرو ملتونو په افغانستان کې د بشري ناورین د ډیریدو په هکله اندیښنه ښودلې ده.

د برېتانیا پخواني لومړي وزیر زیاته کړې، چې په ۲۰۱۴ کال کې د کریمیا له نیولو ورروسته د اوکراین جګړه د لوېدیځ د ناکامۍ پایله ده.

بوریس جانسن ویلي، چې برېتانیا او اروپايي متحدین یې باید په سملاسي ډول اوکراین ته غېر جنګي سرتېري واستوي، ترڅو د روسیې ولسمشر ولادیمیر پوتین ته وښيي چې لوېدیځ هېوادونه په ریښتیا د اوکراین ازادۍ او خپلواکۍ ته ژمن دي.

بوریس جانسن پر اوکراین د روسیې د برید د څلورمې کالیزې په مناسبت بي‌بي‌سي سره په خبرو کې ویلي، چې یاد ځواکونه باید غېر جنګي ماموریتونو کې ځای پرځای شي.

جانسن زیاته کړې: «زه هېڅ داسې منطقي دلیل نه وینم چې موږ ولي د ازاد او خپلواک اوکراین د ملاتړ لپاره د سوله ساتو ځمکنیو ځواکونو د لېږلو څخه ډډه وکړو».

دمګړی د «داوطلب اېتلاف» اوکراین ته د سرتېرو د لېږلو لپاره په مشورو بوخت دی او یوازې به د جګړې د پای ته رسېدو او یوې هوکړې وروسته د اوربند څارنې لپاره ځواکونه واستوي.

په ورته مهال لوېدیځ پوځي پلان جوړونکي د داسې اقدام په اړه په عامه توګه له بحث کولو څخه ډډه کوي او داسې انګیري چې روسیه به دغه ډول اقدام د شخړې د زیاتوالي په توګه وګڼي.

پوتین په تېر سپټمبر میاشت کې په اوکراین کې د سوله‌ساتو ځواکو د جوړولو لپاره د لوېدیځ وړاندیزونه رد کړل او ویلي یې و، چې اوکراین ته لېږل شوي سرتېري به مشروع هدف وګرځي.

خو جانسن بیا وايي، چې پوتین باید اوکراین او د هغه متحدینو ته شرایط ونه‌ټاکي.

پر همدغه مهال د جانسن د څرګندونو په ځواب کې د برېتانیا د دفاع وزارت ویلي، چې حکومت لا هم له اوربند وروسته اوکراین ته د ځواکونو د لېږلو لپاره د داوطلب اېتلاف سره په ګډه کار کوي.

د برېتانیا د دفاع وزارت په خبرپاڼه کې راغلي: «په اوکراین کې د برېتانیا په مشرۍ د څو ملیتي ځواک به اوږدمهاله سوله خوندي کړي او لومړي وزیر روښانه کړې چې موږ به هلته برېتانوي سرتېري ځای پر ځای کړو کله چې شخړه پای ته ورسېږي».

پر همدې مهال، بوریس جانسن ویلي چې په اوکراین کې جګړه د کریمیا له لاسه وتلو، له اوکراین سره د لوېدیځ د ملاتړ د ناکامۍ، د خپل ولس پر وړاندې د کیمیاوي وسلو د کارولو له امله بشارالاسد ته په سزا ورکولو کې د پاتې راتلو او همدارنګه له افغانستان څخه د امریکا د وتلو د ناورین پایله ده.

نوموړي زیاته کړې: «زه فکر کوم چې پوتین د ۲۰۲۲ کال په فبرورۍ کې د هغه څه له امله چې هغه په افغانستان کې لیدلي وو زړور شو او یو عمومي احساس شتون درلود چې لوېدیځ د کمزورۍ په حالت کې دی. هغه له افغانستان څخه د امریکایانو د ګډوډ وتلو او همدارنګه د برېتانوي ځواکونو وتلو هغه وحشتناک انځورونه لیدلي وو او دې مسلې هغه په حقیقت کې زړور کړ».