د اوکراین په توغندیزو بریدونو کې د روسیې د بلګورود ولایت د انرژۍ سیستم زیانمن شوی
د روسیې د بلګورود والي ویلي، چې د اوکراین په پراخو توغندیزو بریدونو کې د دغه ولایت د انرژۍ سیسټم زیانمن شوی، چې له امله یې د ګڼو اوسېدونکو د برېښنا، تودوخې او اوبو رسولو خدمات له خنډ سره مخ شوي دي.
د روسیې د بلوګوردو والي ویاچسلاف ګلادکوف په ټېلګرام کې لیکلي، چې اوکراین په توغندیزو بریدونو کې د دوشنبې په سهار وختې د یاد ولایت د انرژۍ سیستم په نښه کړ، چې له امله یې د یاد ولایت د برېښنا، تودوخې او اوبو سیستم زیانمن شوی دی.
نوموړي زیاته کړې: «دا برید خورا پراخ و، د بلګورود ښار چې د اوکراین له پولې ۴۰ کیلومتره لرې دی په نښه شوی او شاوخوا سیمې هم په نښه شوې دي».
نوموړي د اوکراین په توغندیزو بریدونو کې د زیانونو کره کچه نه ده په ډاګه کړې.
