د ویسټانډیز کرېکټ ملي لوبډلې د ۲۰۲۶کال د شل اوریز نړۍوال جام د غوره اتو پړاو په خپله لومړۍ لوبه کې زیمبابوې ته د ۱۰۷ منډو په توپیر ماتې ورکړه. دا لوبه د دې سیالیو د لومړۍ ډلې برخه وه چې په هند کې ترسره شوه.
ویسټانډیز د دې بریا په ترلاسه کولو د خپلې ډلې د جدول په سر کې ځای واخیست.
زیمبابوې د پچې له ګټلو وروسته د توپاچونې پرېکړه وکړه. ویسټانډیز په لومړۍ پاڼۍ کې په ۲۰ اورونو کې د شپږو لوبغاړو په سوځېدو ۲۵۴ منډې وکړې او د دغه پړاو یو له ټولو لوړو نمرو څخه یې ثبت کړ.په دې ترڅ کې، شیمرون هټمایر په خپلې یرغلیزې او حساب شوې لوبې سره په ۳۴ توپونو ۸۵ منډې جوړې کړې او د دې بریا په ترلاسه کولو کې یې بنسټیز رول ولوباوه. نوموړی نه یوازې د خپلې لوبډلې غوره توپوهونکی و، بلکې د لوبې د غوره لوبغاړي جایزه یې هم په خپل نوم کړه.په ورته وخت کې بیا زیمبابوې په ۱۷.۴ اورونو کې خپل ټول لوبغاړي له لاسه ورکړل او یوازې ۱۴۷ منډې یې جوړې کړې. د براډ اوانس پرته چې ۴۳ منډې یې کړې وې، د دې لوبډلې نور توپوهونکي ونه توانېدل چې د ویسټانډیز د توپاچوونکو پر وړاندې مقاومت وکړي.د توپاچونې په برخه کې ګوډاکش موتي د څلورو ویکټو په اخیستو سره د توپاچوونکو ترمنځ د میدان غوره څېره وه او د زیمبابوې د لوبغاړو په سوځولو کې یې مهمه ونډه لرله.
په دغه ولایتونو کې هم چارواکو د یوې میاشتې لپاره د ورزشي فعالیتونه د ځنډولو امر کړی دی. هغه لیک چې د کندوز ولایت د المپیک، بدني روزنې او سپورت ریاست لهخوا خپور شوی پهکې راغلي، چې د افغانستان د المپیک، بدني روزنې او سپورت ریاست د دعوت او ارشاد ریاست د عمومي اجرایوي مدیریت او د امر بالمعروف د قانون پلي کولو پلاوي د لارښوونې پربنسټ ټولو فدراسیونونو، کلبونو او ورزشي لوبغالو ته خبر ورکول کېږي چې د روژې تر پایه پورې د هر ډول سیالیو د ترسره کېدو مخه ونیسي.
دارنګه د هرات ولایت د المپیک او بدني روزنې ریاست لهخوا په یوه رسمي اعلامیه کې په ټولو ولسوالیو کې سپورتي فدراسیونونو، کلبونو او لوبغاړو ته لارښوونه شوې چې د لمانځه پرمهال خپل تمرینونه ودروي.
د دغه اعلامیې په یوه بله برخه کې ټینګار شوی، چې د روژې مبارکې میاشتې په درناوي د فدراسیون ټولې سیالۍ او ورزشي لوبغالي به د یادې میاشتې تر پایه وتړل شي. لاتر اوسه د درېیو ولایتونو مکتوبونه خپاره شوي او داسې ښکاري، چې دغه حکم په عمومي ډول د هېواد ټولو ولایتونو ته لېږل شوی دی.
شاوخوا دوه اوونۍ وړاندې د طالبانو د امربالمعروف او نهې عن المنکر وزارت د ټولو ولایتونو د سپورټ او بدني روزنې ولایتي مسوولینو ته د یوه مکتوب په لېږلو سره امر کړی و، چې د «رمضان جام» کرېکټ سیالۍ به نهترسره کوي.
د طالبانو د امربالمعروف او نهې عن المنکر وزارت پر یادو سیالیو د بندیز لامل، د تراوېح لمونځ قضا کېدل بللي وو.
په ورژه کې پر سپورټي سیالیو د طالبانو د بندیز په تړاو د افغانستان انټرنشنل- پښتو د راپور له خپرېدو وروسته، تازه افغانستان انټرنشنل- پښتو په هلمند کې د طالبانو د والي امانالدین منصور هغه مکتوب تر لاسه کړی، چې د شپې لهخوا سپورټي لوبو ته په مشروط ډول اجازه ورکړل شوې ده.
په مکتوب کې لیکل شوي: «د هلمند د ورزشکارانو غوښتنه، وايي زموږ سیالۍ د روژې په خاطر بندې سوي دي، نو د ولایت مقام له طرفه تر تراوېحو وروسته د سیالۍ اجازه سته، تر تراوېحو یو ساعته وروسته».
سرچینو ویلي، چې ورزشي سیالیو ته په دې شرط اجازه ورکړل شوې، چې د طالبانو د امربالمعروف او نهې عن المنکر محتسبین به پر ټولو لوبغالو څارنه کوي او د تراوېح لمونځ پر وخت هغو کسانو ته چې پر لوبو بوخت وي، سزا ورکړل شي.
تر دې مخکې په هلمند کې ګڼو ورزشکارانو او د کرېکټ لوبغاړو د طالبانو لهخوا د شپې له لوري د کرېکټ او نورو ورزشي سیالیو په اړه بندیز ته غبرګونونه ښودلي وو.
دا په داسې حال کې ده، چې هر کال په ولایتونو کې د ټینېس، کرېکټ، فوټسال او فوټبال سیالۍ ترسره کېږي او په یادو سیالیو کې سلګونه لوبغاړي او مینهوال یې ګډون کوي.