عمران خان د سترګو د درملنې لپاره د اسلاماباد پېمز روغتون ته لېږدول شوی و
د تحریک انصاف ګوند بنسټګر او د پاکستان پخوانی لومړی وزیر عمران خان د سترګو د درملنې د دوام لپاره په اسلاماباد کې پېمز روغتون ته لېږدول شوی و. د پېمز روغتون د ادارې لهخوا ویل شوي، چې عمران خان د اډیاله زندان څخه د درملنې په موخه ور وړل شوی و.
د روغتون د اعلان لهمخې، د هغه د زړه مشاور یې کارډیوګرافي او ECG ترسره کړي چې پایلې یې عادي وې. د هغه د پاتې کېدو په جریان کې د پروسیجر د ترسره کېدو پر مهال او وروسته د هغه حالت ثابت پاتې شوی دی.
دغه پروسیجر د سترګو د مشاورینو او د ریټینا جراحانو تر نظارت لاندې په پېمز روغتون او د اسلاماباد شفاخانه کې ترسره شوی او د ورځني جراحي (Day Care Surgery) په بڼه بشپړ شو.
د روغتون ادارې وویل، چې عمران خان د لازمو لارښوونو، د تعقیب سپارښتنو، نسخو او طبي اسنادو ترلاسه کولو وروسته رخصت شو. د پروسیجر له پیل وړاندې، د روغتون د متخصصینو یوې ډلې د هغه وروستي معاینات هم ترسره کړل.
