طالبان وايي، په بغلان کې له ۶۰۰ هغو ماشومانو سره چې پر درنو کارونو بوخت و، مرسته وشوه. په دغه ولایت کې د طالبانو د کار او ټولنیزو چارو ریاست وايي، دغه مرستې د اکتید موسسې له لوري برابرې شوې دي.
د بغلان ولایت لپاره د طالبانو د کار او ټولنیزو چارو رییس نصرتالله پارسا د دوشنبې په ورځ (د کب ۴مه) وویل، دغو ماشومانو ته چې په ملاتړ مرکز کې پر زدهکړو بوخت دي، د اکتید موسسې له لوري هر یوه ته یې ۱۴۷۰ افغانۍ ورکړل شوي او مجموعي مرستې ۸ سوه او ۸۲ زره افغانیو ته رسېدې.
دغه ماشومان یادې مرستې ډېرې کمې بولي او له نورو مرستندویانو غواړي، چې په دې سړه هوا او روژې میاشت کې ورسره مرستې وکړي.
له دې سره سم، نصرتالله پارسا په دې روانه روژه کې د اړمنو د اړتیاوو ډېرېدو ته په اشارې له دولتي او همداراز بهرنیو مرستندویه موسسو غوښتي، چې پر درنو کارونو بوختو ماشومانو ستونزو ته په کتو نورې مرستې هم برابرې کړي.
