په لکي مروت کې د انعام الله خان پر کور د ډرون څـرخـکو بـریـدونـه شوي
په لکي مروت کې د مروت او بیټني قبیلو د غورځنګ مشر انعام الله خان وايي، چې پر کور او مېلمستون یې د ډرون څرخکو درې بریدونه شوي دي. نوموړي د پاکستان پر پوځ او استخباراتو نیوکې کړې، چې دا ډرون څرخکې څوک پورته کوي.
نوموړي د دوشنبې په ورځ په یوه ویډیويي پیغام کې وویل، چې ډرون څرخکو یې پر کور او مېلمستون درې بریدونه کړي دي.
هغه په دې ویډیو کې د پاکستان پر پوځ او څارګرو ادارو تور لګولی، چې د وسله والو جنګیالیو ملاتړ کوي.
انعام الله خان په سیمه کې د طالبانو خلاف د مروت او بیټنو له قبیلو د جوړ قومي غورځنګ مشري کوي.
له دې وړاندې هم پر نوموړي څوځله بریدونه شوي دي.
