په سرپل کې له څه باندې ۶ زره کورنیو سره نغدي مرستې وشوې
د سرپل په مرکز او ولسوالیو کې له ۶ زره او ۲۴۷ بېوزلو کورنیو سره نغدي مرستې وشوې. دغه مرستې د خوړو نړۍوال پروګرام له لوري برابرې او د طالبانو او یوې بلې موسسې له لوري ووېشل شوې.
د سرپل په مرکز او ولسوالیو کې له ۶ زره او ۲۴۷ بېوزلو کورنیو سره نغدي مرستې وشوې. دغه مرستې د خوړو نړۍوال پروګرام له لوري برابرې او د طالبانو او یوې بلې موسسې له لوري ووېشل شوې.
د طالبانو له پېښو سره د مبارزې چمتووالي ادارې د دوشنبې په ورځ (د کب ۴مه) د یوې خبرپاڼې په خپرولو سره ویلي، دغو بېوزلو هرې کورنۍ ته ۲۹۰۰ افغانۍ ورکړل شوي او ټولې مرسته شوې پیسې ۱۸ میلیونه او ۱۱۶ زره او ۳۰۰ افغانۍ وې.
د خبرپاڼې لهمخې، دغه مرستې د طالبانو له پېښو سره د مبارزې ادارې او د «ماهو»په نوم موسسې ترمنځ د لاسلیک شوي هوکړه لیک لهمخې وېشل شوې دي. خبرپاڼه کاږي، د پروژې تمویلوونکی د خوړو نړۍوال پروګرام (WFP) دی.
له دې سره سم، یادې بېوزلې کورنۍ ۲۹۰۰ افغانۍ مرستې ډېرې کمې بولي او وایي چې په دې سړه هوا او همداراز روژه کې یې اړتیاوې ډېرې دي او له اړوندو مسوولینو او همداراز نړۍوالو مرستندویانو غواړي، چې په دې سختو شرایطو کې یې لاسنیوی وکړي.
پاکستان له شاوخوا پنځو میاشتو راهیسې په دغه هېواد کې د افغان محصلانو په ګډون د ټولو مېشتو افغانانو د ویزو د تمدید چارې درولې دي او له دې سره د زدهکړیالانو په ګډون ګڼ افغانان له ستونزو سره مخ شوي دي.
تازه په پنجاب کې د قاید اعظم میډیکل کالج افغان محصلان له ورته برخلیک سره مخ شوي دي. په دغه کالج کې سرچینو افغانستان انټرنشنل- پښتو ته ویلي، نن سهار (دوشنبه د کب ۴مه) ځايي پولیس یاد کالج ته ورغلي او پهکې ټول هغه افغان زدهکړیالان چې د ویزو موده یې ختمه شوې نیولي او د توقیف مرکز ته یې لېږدولي دي.
د دغه کالج یوه افغان محصل افغانستان انټرنشنل- پښتو ته ویلي: «موږ هر یوه مو له اتو میاشتو ان تر یو کال مخکې د ویزو د تمدیدېدو لپاره نوم لیکنه کړې او تر اوسه تر پروسس لاندې دي او رد شوي نهدي».
دغه محصلان زیاتوي، ځينې داسې محصلین هم شته چې سبا ته یې ازموینه ده او د پولیسو له لوري توقیف شوي او که چېرې خپلو ازموینو ته ونهرسېږي، نو یو کال زحمت به یې په سیند لاهو شي.
دوی وايي، ځايي پولیسو ورته ګواښ کړی چې په زوره یې افغانستان ته ستنوي او په وینا یې: «که داسې وشي، نو زموږ زدهکړې به نیمګړې پاتې شي او دوی [پاکستان] زموږ له برخلیک او ان راتلونکې سره لوبې کوي».
په توقیف کې افغان زدهکړیالان وايي، په اسلاماباد کې یې هم د طالبانو له سفارت څخه د همدې ستونزې د حل غوښتنه کړې، خو په وینا یې، چې طالبانو هم ورته مثبت ځواب نهدی ورکړی او ورته یې د دواړو لوریو د اړیکو د خرابېدو یادونه کړې ده.
د پنجاب په کالجونو کې افغان زدهکړیالان د پاکستان له حکومت څخه غواړي، چې د ویزو د تمدید بهیر دې پیل کړي، څو دوی هم په قانوني توګه دغه هېواد کې واوسېږي او خپلو درسونو ته دوام ورکړي.
سره له دې، چې پاکستان له څو میاشتو راهیسې له کوم دلیل پرته په دغه هېواد کې د مېشتو افغانانو د ویزو د تمدید بهیر په ټپه درولی، د یاد کالج د افغان محصلانو د دغې ستونزې په تړاو یې هم تر اوسه څه نهدي ویلي.
د یادونې وړ ده، چې دمګړی یوازې د پنجاب د کالجونو په طب څانګه کې څه باندې ۲۴۰ افغان محصلین پر زدهکړو بوخت دي.