په کندهار کې پاکستان ته د ۲۴۹ کیلو ګرامه سپینو زرو د قاچاق مخه نیول شوې
د طالبانو البدر قول اردو ویلي، چې ځواکونو یې د کندهار ولایت د سپین بولدک ولسوالۍ په مازل سیمه کې ۲۴۹ کیلو ګرامه سپین زر او ۲۹۰ ګرانببیه ساعتونه نیولي دي. یادې قول اردو په یوه خبرپاڼه کې ویلي چې قاچاق وړونکو غوښتل دغه توکي په ناقانونه ډول پاکستان ته ولېږدوي.
خبر پاڼه زیاتوي چې د پېښې په تړاو څو تنه نیول شوي او د لا زیاتو پلټنو لپاره اړوندو ادارو ته سپارل شوي دي.
