وسلهوالو په بلوچستان کې د یوه ودانیز شرکت ۱۰ کاریګر تښتولي
ناپېژاندو وسلهوالو تېره شپه د بلوچستان په بارکهان ولسوالۍ کې د پولیسو پر یوه مرکز او ودانیز شرکت تر برید وروسته د یاد شرکت ۴ کاریګر تښتولي دي. پاکستاني رسنۍ خراسان ډایري راپور ورکړی، چې وسلهوالو په یوه بله جلا پېښه کې ۶ نور کاریګر هم تښتولي دي.
په راپور کې راغلي، چې وسلهوالو د بلوچستان په بارکهان او خضدار ولسوالیو کې د پولیسو پر مرکز او ودانیز شرکت بریدونه کړي او له دواړو سیمو څخه یې شاوخو ۱۰ د ودانیز شرکت کاریګر تښتولي دي.
د راپور له مخې؛ تښتول شوي کسان د موسی خېل او سند اوسېدونکي دي. لاتر اوسه د پاکستان امنیتي ادارو او وسلهوالو ډلو د یادو پېښو په اړه څه نهدي ویلي.
