د ۲۰۲۶ کال د کرېکټ نړۍوال جام د اتو غوره لوبډلو په پړاو کې، انګلستان له دویم ګروپ څخه پاکستان ته د دوو وېکټو په توپیر ماتې ورکړه. دا په دغه پړاو کې د انګلستان دویمه پرلهپسې بریا وه، چې په لرلو سره یې د څلورو امتیازونو په ګټلو په خپله ډله کې مخکښه پاتې شوه.
پاکستان د لوبې د پچې تر ګټلو وروسته د توپاچونې پرېکړه وکړه او په ټاکلو ۲۰ اورونو کې یې د ۹ لوبغاړو په سوځېدو ۱۶۴ منډې وکړې. د پاکستان لپاره صاحبزاده فرحان تر نورو ډېرې ۶۳ منډې جوړې کړې.د انګلستان د توپاچوونکو په منځ کې لیام ډاوسن د درېیو وېکټو په اخیستو سره ځلانده لوبه وکړه او د سیالې لوبډلې د منډو په محدودولو کې یې مهم رول ولوباوه.انګلستان د ورکړل شوي هدف په ځواب کې په ۱۹.۱ اورونو کې د ۸ لوبغاړو په سوځېدو ۱۶۶ منډې وکړې او د لوبې ګټونکی شو. د انګلستان لوبډلمشر هري بروک په ۵۱ توپونو د ۱۰۰ منډو په جوړولو سره په زړه پورې لوبه وکړه او د لوبې د غوره لوبغاړي جایزه یې هم وګټله.بل لور ته، شاهین شاه اپریدي د څلورو وېکټو په اخیستو سره ښه وځلېد، خو د پاکستان د ماتې د مخنیوي لپاره یې هڅې کافي نه وې.
په دغه ولایتونو کې هم چارواکو د یوې میاشتې لپاره د ورزشي فعالیتونه د ځنډولو امر کړی دی. هغه لیک چې د کندوز ولایت د المپیک، بدني روزنې او سپورت ریاست لهخوا خپور شوی پهکې راغلي، چې د افغانستان د المپیک، بدني روزنې او سپورت ریاست د دعوت او ارشاد ریاست د عمومي اجرایوي مدیریت او د امر بالمعروف د قانون پلي کولو پلاوي د لارښوونې پربنسټ ټولو فدراسیونونو، کلبونو او ورزشي لوبغالو ته خبر ورکول کېږي چې د روژې تر پایه پورې د هر ډول سیالیو د ترسره کېدو مخه ونیسي.
دارنګه د هرات ولایت د المپیک او بدني روزنې ریاست لهخوا په یوه رسمي اعلامیه کې په ټولو ولسوالیو کې سپورتي فدراسیونونو، کلبونو او لوبغاړو ته لارښوونه شوې چې د لمانځه پرمهال خپل تمرینونه ودروي.
د دغه اعلامیې په یوه بله برخه کې ټینګار شوی، چې د روژې مبارکې میاشتې په درناوي د فدراسیون ټولې سیالۍ او ورزشي لوبغالي به د یادې میاشتې تر پایه وتړل شي. لاتر اوسه د درېیو ولایتونو مکتوبونه خپاره شوي او داسې ښکاري، چې دغه حکم په عمومي ډول د هېواد ټولو ولایتونو ته لېږل شوی دی.
