په پنجاب کې د پولیسو پر پوسته ځانمرګي برید کې دوه پولیس وژل شوي
د پاکستان امنیتي چارواکي وايي، چې د سې شنبې په ماښام د پنجاب د بهکر ولسوالۍ پر یوه پوسته په ځانمرګي برید کې دوه پولیس ووژل شول. د بهکر ولسوالۍ د پولیسو افسر شهزاد رسنیو ته وویل چې پر امنیتي ځواکونو پوستې ته نږدې یو ځانمرګی برید شوی دی.
هغه وويل چې په چاودنه کې دوه پولیس وژل شوي دي او يو ټپي شو، په داسې حال کې چې درې لارويان هم په دې چاودنه کې ټپيان شول.
