د ایران د بهرنیو چارو وزارت: ایران له امریکا سره د هوکړې لپاره هر ګام اخیستو ته چمتو دی

د هالنډ د بهرنیو چارو وزارت په یوې خبرپاڼه کې ویل شوي چې ایران د ۲۰۲۶ کال د جنورۍ په ۲۸مه نېټه هغه مهال «یو ډیپلوماټیکه پېښه» رامنځته کړه، کله چې یې یو هالنډی ډیپلومات دې ته اړ کړ، څو خپل ډیپلوماتیک توکي د تهران په هوايي ډګر کې وسپاري. په اعلامیه کې راغلي: «دا اقدام د منلو وړ نه دی».

د هالنډ د بهرنیو چارو وزارت همدارنګه ویلي، چې له ایراني چارواکو څخه یې څو ځله غوښتي څو نیول شوي توکي په بېړني توګه ورته بېرته وسپاري، خو د دغو توکو د څرنګوالي او جزییاتو په اړه یې نور وضاحت نه دی ورکړی.

یاد وزارت زیاته کړې، چې وروسته له هغې یې د ایران سفیر احضار کړ چې ایراني چارواکو د یادې پېښې اړوند ویډیويي انځورونه پر لیکه خپاره کړل.

کارولین لیویت د سې شنبې په ورځ له رسنیو سره په خبرو کې وویل: «د ولسمشر ټرمپ لومړنی انتخاب تل ډیپلوماسي ده. خو لکه څنګه چې هغه ښودلي، که اړتیا وي د متحده ایالاتو پوځي ځواک د وژونکي ځواک کارولو ته چمتو دی».

رویټرز د یوې سرچینې له قوله لیکلي چې ټاکل شوې د امریکا د بهرنیو چارو وزیر مارکو روبیو به د سې شنبې په ورځ ناوخته کانګرس ته د ایران په اړه معلومات ورکړي.

متحده ایالاتو د احتمالي بریدونو دمخه د ایران په ساحلي سیمو کې پراخ سمندري ځواک ځای پر ځای کړی دی. ټرمپ د فېبرورۍ په ۱۹مه وویل چې هغه تهران ته شاوخوا ۱۰ تر ۱۵ ورځې وخت ورکوي چې یوې معاملې ته سره ورسیږي.

ټرمپ ممکن د سې شنبې په شپه د خپل دولت د اتحاد په وینا کې د ایران د اتومي پروګرام په اړه هم خبرې وکړي.

سرچینې وايي چې عباسي د یوه امنیتي افسر د وژلو په تور محکوم شوی، خو د هغه کورنۍ دا تور ردوي. د عباسي لور، فاطمه عباسي، ته هم دغو اعتراضونو کې د ګډون له امله د۲۵ کاله بند سزا ورکړل شوې ده.

د دغو ګډوډیو پر مهال د امریکا ولسمشر ډونالډ ټرمپ تهران ته خبرداری ورکړی و چې که اعدامونه ترسره کړي، نو کېدای شي د پوځي اقدام امر وکړي.

د بشري حقونو ډلې وایي چې د دغو اعتراضونو د ځپلو په لړ کې لسګونه زره کسان وژل شوي دي.

دا د ۱۹۷۹م کال اسلامي انقلاب راهیسې په ایران کې تر ټولو ستره کورنۍ ناکراري بلل کېږي.

سرچینې زیاتوي چې تورن کسان خپل شخصي وکیل ته لاسرسی نه لري او ورته یو دولتي مدافع وکیل ټاکل شوی دی.

سرچینې د سې‌شنبې په ورځ رویټرز ته وویل چې د ایران قضایي قوې لا تر اوسه د محمد عباسي پر وړاندې دا حکم په رسمي ډول نه دی اعلان کړی او د ایران سترې محکمې هم لا دا حکم نه دی تایید کړی.

کارپوهان وايي چې ایران د هوايي خوندیتوب کمزوری ریکارډ لري او څو ځله د الوتکو د لوېدو پېښې پکې شوې دي.

ډېری دغه الوتکې د۱۹۷۹ کال تر انقلاب مخکې پېرودل شوې او د اصلي پرزو د نشتوالي له امله خوندي نه دي.

تېره اونۍ هم د ایران د هوايي ځواک یوه جنګي الوتکه «اېف–۴» د همدان ولایت په لوېدیزه سیمه کې د روزنیزې الوتنې پر مهال ولوېده، چې یو پيلوټ پکې ووژل شو.

ټرمپ د دوشنبې په ماښام پر ټروټ خواله رسنۍ لیکلي، جنرال کېن چې د ایران د اټومي پروګرام پر وړاندې یې د برید مشري کړې وه باور لري که پوځي اقدام وشي؛ نو دغه جګړه «په اسانۍ ګټلی شي».

نوموړي هغه رسنۍ چې دغه راپورونه یې خپاره کړي «د جعلي خبرونو رسنۍ» وبللې او ویې لیکل، چې جنرال کېن هېڅکله د ایران پر وړاندې د اقدام نه‌کولو خبره نه‌ده کړې. د ټرمپ په وینا؛ جنرال کېن یوازې د بریا په څرنګوالي پوهېږي او که امر ورکړل شي د عملیاتو مشري به وکړي.

د امریکا ولسمشر یو ځل بیا ټینګار وکړ، چې غوره ګڼي له ایران سره هوکړې ته ورسېږي؛ خو خبرداری یې ورکړ که هوکړه ونه شي، «هغه ورځ به له بده مرغه د هغه هېواد او خلکو لپاره یې ډېره بده ورځ وي».

نیویارک ټایمز ورځپاڼه له هغو رسنیو څخه ده، چې د سپینې ماڼۍ د یوې ځانګړې غونډې په اړه یې راپور ورکړی دی. دغه غونډه (د سلواغې په ۲۹مه) د ټرمپ، د هغه د مرستیال، د بهرنیو چارو او دفاع وزیرانو، د سي‌‌ای‌اې رییس او د پوځ د ګډو ځواکونو د لوی درستیز په ګډون ترسره شوې وه.