امریکایي چارواکی: متحده ایالات غواړي له چین سره باثباته اړیکې ولري، خو باور پرې نه لري
رویټرز د امریکا د بهرنیو چارو وزارت د یوه لوړپوړي چارواکي له قوله لیکلي، چې د ټرمپ ادارې د سېشنبې په ورځ د کانګرس استماعیه غونډې ته ویلي، چې له چین سره باثباته اړیکې غواړي، خو پر دغه هېواد باور نه لري.
د اقتصادي چارو لپاره د بهرنیو چارو وزارت مرستیال وزیر جېکب هیلبرګ دا څرګندونې د ولسمشر ډونالډ ټرمپ له راتلونکي سفر مخکې وکړې. ټاکل شوې، چې ټرمپ په راتلونکو اوونیو کې چین ته ولاړ شي او هلته به د چین له ولسمشر شي جینپینګ سره وګوري.
