د امریکا دفاع وزیر: د ایران په اړه د ټرمپ لپاره ټول انتخابونه لاهم د مېز په سر دي
د امریکا دفاع وزیر پېټ هېګسټ له خبریالانو سره د خبرو پرمهال ویلي، چې د ایران حکومت باید له دې فرصته د یوې هوکړې لپاره کار واخلي. هغه ټینګار کړی، چې د ولسمشر ټرمپ لپاره لاهم ټول انتخابونه د مېز په سر پراته دي.
هېګسټ ویلي، دا به د ایران لپاره هوښیارانه ګام وي چې یوې هوکړې ته ورسېږي. نوموړي زیاته کړه: «ایران باید هوکړه وکړي او دغه فرصت لري. دا هغه پایله ده، چې ولسمشر یې غوره ګڼي. زموږ دنده دا ده، چې بېلابېل انتخابونه وړاندې کړو او موږ به ولسمشر ته بېلابېل انتخابونه ولرو».
