په کوهاټ کې د پولیسو پر موټر د برید له امله د یوه پاکستاني افسر په ګډون ۴ پولیس وژل شوي
د خیبر پښتونخوا په کوهاټ کې د پولیسو پر یوه موټر په وسلهوال برید کې د یوه پاکستاني افسر په ګډون ۴ پولیس وژل شوي او درې نور ټپيان دي. د راپورونو له مخې؛ تر برید وروسته وسلهوالو د پولیسو موټر سوځولی دی.
د کوهاټ د پولیسو مشر رسنیو ته ویلي، چې دغه پېښه د شکردرې پر سړک شوې او ټپیان یې نږدې روغتون ته لېږدولي دي. نوموړي زیاته کړې، چې تر برید وروسته یې نور ځواکونه هم سیمې ته لېږلي دي.
د کوهاټ امنیتي مسوولینو زیاته کړې، چې وسلهوال تر برید او د موټر تر سوځولو وروسته له سیمې تښتېدلي دي. د دوی په وینا؛ په سیمه کې د وسلهوالو پر وړاندې چاڼیز عملیات پيل شوي دي.
لاتر اوسه کومې وسلهوالې ډلې د دغه برید مسوولیت نهدی منلی.
