عراقچي له امریکايي لوري سره د اټومي خبرو اترو د درېیم پړاو لپاره سویس ته ورسېد
د ایران د بهرنیو چارو وزارت ویلي، چې عباس عراقچي د چهارشنبې په ماښام د یوه ډیپلوماټیک پلاوي په مشرۍ له امریکا سره د خبرو اترو د درېیم پړاو لپاره سویس ته ورسېد.
د ایران د بهرنیو چارو وزارت د یوې خبرپاڼې په خپرولو سره ویلي، چې د عمان په منځګړیتوب به د ایران او امریکا ترمنځ غېرمستقیم مذاکرات د پنجشنبې په ورځ په جنیوا کې ترسره شي.
په خبرپاڼه کې راغلي، ټاکل شوې ده چې د عراقچي په مشرۍ د ایران مذاکراتي پلاوی نن شپه د عمان د بهرنیو چارو له وزیر بدر البوسعید سره وګوري او په دغه لیدنه کې به د بندیزونو د لغوه کولو او اټومي مسایلو په اړه د خپل هېواد دریځ او لیدلوری بیان کړي.
