رافایل ګروسي: له هوکړې پرته د ایران پر وړاندې د پوځي ځواک کارولو امکان شته
د اټومي انرژۍ نړۍوالې ادارې عمومي مشر رافایل ګروسي په جېنوا کې د ایران او امریکا ترمنځ راتلونکې غونډې ته په اشارې سره وویل، چې د تهران د اټومي کړکېچ یوازینۍ حل لاره یوې هوکړې ته رسېدل دي. نوموړي ویلي، که دغه هوکړه ناکامه شي؛ نو ښایي د پوځي ځواک کارول پلي شي.
ګروسي د «ار ټي وي سي» شبکې سره په مرکه کې ویلي، چې سملاسي موخه د خبرو اترو دوام دی؛ ترڅو د تاوتریخوالي د زیاتوالي مخه ونیول شي. نوموړي زیاته کړې: «پیغام دا دی چې داسې یوې هوکړې ته رسېدل شونې نهدي، چې په سیمه کې د نورو ګډوډیو، تلفاتو او بېثباتیو مخه ونیسي.داسې یوه هوکړه چې ایران له تاوتریخوالي پرته په بل هر ډول وسیله د اټومي وسلو ترلاسه کولو څخه منع کوي».
نوموړي ټینګار وکړ، چې دغه اداره نور د اتومي موادو د څارنې توان نهلري. هغه وویل، چې مخکې د غني شويو یورانیمو د زېرمې ځایونه معلوم وو او اندازه یې په کره ډول معلومېده؛ خو اوس دغه څارنه شونې نهده. ګروسي زیاته کړه:« اصلي ستونزه دا ده، چې دغه اتومي توکي ښایي په پای کې د اتومي وسلو د جوړولو لپاره وکارول شي».
