ټرمپ: تېرکال مې د نړۍ په بېلابېلو سیمو کې د «لسو جګړو» په پای ته رسولو کې مرسته کړې
د امریکا ولسمشر ډونالډ ټرمپ په خپلې کلنۍ وینا کې ویلي، چې په تېر یوه کال کې یې د نړۍ په بېلابېلو سیمو کې د «لسو جګړو» په پای ته رسولو کې مرسته کړې ده. هغه وایي، که د ده منځګړیتوب نه وای؛ نو ځینې شخړې به پر سترو ناورینونو او ان اټومي جګړو اوښتې وې.
ټرمپ د هند او پاکستان ترمنځ تاوتریخوالي ته اشاره وکړه او ویې ویل: «که ما د هند او پاکستان نښته نهوای درولې، د اټومي جګړې د پیلېدو شونتیا ډېره وه». هغه زیاته کړې، چې د دغه کړکېچ د پراخېدو له مخنیوي سره د شاوخوا ۳۵ مېلیونه کسانو ژوند ژغورل شوی.
ټرمپ همداراز د اسراییل او ایران ترمنځ ترینګلتیاوو، د غزې تړانګې وضعیت او د ارمنستان اړوند بدلونونو ته اشاره وکړه او دا یې هغه شخړې وبللې، چې مهار یا درول شوې دي.
هغه د روسیې او اوکراین ترمنځ جګړې په اړه هم وویل، د ده په واکمنۍ کې به دغه د جګړه «هیڅکله نه وای پیل شوې» او ادعا یې وکړه چې دغه جګړه هم اوس پای ته نږدې شوې ده.
ټرمپ په پای کې ټینګار وکړ، چې موخه یې «په نړۍ کې د سولې ټینګښت» دی او د خپلې بهرنۍ تګلارې لومړیتوب یې د جګړو له پراختیا مخنیوی وباله.
