طالبانو له دوو موسسو سره د څه باندې یو میلیون ډالرو په ارزښت هوکړهلیکونه لاسلیک کړل
د طالبانو د شهیدانو او معلولینو چارو وزارت وايي، چې له (ZFA) او (ODESC) مرستندویه موسسو سره یې د یو میلیون او ۵۲ زره ډالرو په ارزښت دوه هوکړهلیکونه لاسلیک کړل.
یاد وزارت د چهارشنبې په ورځ د یوې خبرپاڼې په خپرولو سره ویلي، چې له یادو دوو مرستندویه موسسو سره د شوې هوکړې لهمخې به په کابل، لوګر، تخار، ننګرهار، کاپیسا او نورستان ولایتونو کې ۲۲۵۰ تنو یتیمانو، کونډو او معلولینو سره مرستې وشي.
