عراقچي د عمان د بهرنیو چارو وزیر ته د ایران د اټومي هوکړې وړاندیز وسپاره
ایراني رسنیو راپور ورکړی، چې د ایران د بهرنیو چارو وزیر عباس عراقچي د چهارشنبې په ماښام جنیوا ته له رسېدو وروسته د عمان د بهرنیو چارو له وزیر بدر البوسعیدي سره په کتنه کې د اټومي هوکړې په اړه د ایران وړاندیز وسپاره.
د یادولو وړ ده چې د ایران د بهرنیو چارو د وزیر عباس عراقچي په مشرۍ مذاکراتي پلاوی نن، د چهارشنبې په ماښام سویس ته ورسېد.
وړاندې اکسیوس د یوه امریکايي چارواکي او دوو نورو باخبره سرچینو په حواله راپور ورکړی و، چې سټیو وېټکاف په یوه خصوصي ناسته کې ویلي، چې امریکا غواړي له تهران سره هر ډول نوې اټومي هوکړه باید دایمي وي.
