ونس وايي ټرمپ لا هم له ایران سره ډیپلوماتیک حل ته لومړیتوب ورکوي
د امریکا مرستیال ولسمشر ویلي چې ولسمشر ډونالډ ټرمپ لا هم له ایران سره د کړکېچ د حل لپاره دیپلوماتیکه لاره غوره بولي او هیله لري چې ایراني چارواکي به دا دریځ د پنجشنبې ورځې په خبرو کې جدي ونیسي.
مرستیال ولسمشر جي ډي ونس له فاکس نیوز سره په مرکه کې وویل: «ولسمشر په بشپړ وضاحت سره ویلي چې ایران اټومي وسله نه شي لرلی. هغه هڅه کوي دا هدف له دیپلوماتیکو لارو ترلاسه کړي».
دغه څرګندونې په داسې حال کې شوې چې ټاکل شوې ده د امریکا او ایران ترمنځ نورې خبرې و شي.
